Shoq e Hajj

Book Name:Shoq e Hajj

اس پر حج فرض ہے ، ایسی صُورت میں اس پر لازم ہے کہ قرض لے کر حج پر جائے ، اللہ پاک اس کے قرض  ( Loan ) کا انتظام فرما دے گا۔  ( [1] )

فرض حج نہ کرنے کی وعید

اے عاشقانِ رسول ! جو شخص حج فرض ہونے کے باوجود حج نہیں کرتا ، سفرِ حج کی تیاریاں نہیں کرتا  وہ نہایت نقصان میں ہے۔ مسلمانوں کے چوتھے خلیفہ حضرت علی المرتضی ، شیر خدا رَضِیَ اللہ عنہ سے روایت ہے : اللہ پاک کے آخری نبی ، رسولِ ہاشمی ، مکی مدنی مُحَمَّد عربی صلی اللہ عَلَیْہِ وَ آلِہٖ وَسَلَّم  نے فرمایا : جو بندہ زاد اور راحلہ (  یعنی سواری اور سفر خرچ )  کا مالک ہو جس کے ذریعے وہ مکہ مکرمہ تک پہنچ سکے ، اس کے باوجود اگر وہ حج نہ کرے تو چاہے یہودی ہو کر مرے یا نصرانی ہو کر۔ ( [2] )

 اللہ اَکْبَرْ ! اے عاشقانِ رسول ! غور فرمائیے ! کیسی سخت وعید ہے ہمارے آقا و مولا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  رَحْمَۃٌ لِّلْعٰلَمِیْن ( یعنی تمام جہانوں کے لئے رحمت )  ہیں ، لوگوں کا ایمان قبول کر لینا ، آپ کو انتہائی پسند ہے ، جب  غیر مسلم کلمہ نہیں پڑھتے تھے ، قرآنی آیات پر ایمان نہیں لاتے تھے تو آپ صلی اللہ عَلَیْہِ وَ آلِہٖ وَسَلَّم بہت غمگین ہو جایا کرتے تھے ، رحمتِ عالم ، نورِ  مُجَسَّم صلی اللہ عَلَیْہِ وَ آلِہٖ وَسَلَّم جو  غیر مسلموں کے کلمہ نہ پڑھنے سے بھی غمگین ہوتے ہیں ، وہ ایک مسلمان کے لیے ارشاد فرماتے ہیں : حج فرض ہونے کے باوجود اگر وہ حج نہیں کرتا ، تو وہ  چاہے یہودی ہو کر مرے یا نصرانی ہو کر۔ حکیم الامت مفتی احمدیار خان نعیمی


 

 



[1]...وقار الفتاوی ، جلد : 2 ، صفحہ : 442ملتقطاً۔

[2]...ترمذی ،  کتاب الحج ، صفحہ : 223 ، حدیث : 812۔