قبروں کو دیکھتے تو فرماتے : اُوپَر سے یہ قبریں کیسی بھلی لگتی ہیں مگر مصیبت تَو ان کے اندر ہے ، اللہ ! اللہ ! اے اللہ کے بندو... ! دُنیا میں مشغول نہ ہو جاؤ ! بےشک قبر عَمَل کا گھر ہے  ( یعنی وہاں اعمال ہی ساتھ جائیں گے ) ، نیک اَعْمَال کر لو ! ان سے غفلت ( Carelessness )  مت برتو... ! ! ^{( [1] )}  

قبر روزانہ یہ کرتی ہے پُکار                                                                                                 مجھ میں ہیں کیڑے مکوڑے بیشمار

یاد رکھ ! میں ہوں اندھیری کوٹھڑی                                                     تجھ کو ہو گی مجھ میں سُن ! وحشت بڑی

میرے اندر تُو اکیلا آئے گا                                                                                          ہاں مگر اعمال لیتا آئے گا

گُھپ اندھیری قبر میں جب جائے گا                                              بےعمل ! بےانتہا گھبرائے گا

کر لے توبہ ربّ کی رحمت ہے بڑی                                                قبر  میں  ورنہ  سزا  ہو  گی  کڑی ^{( [2] )}

پیارے اسلامی بھائیو ! معلوم ہوا؛ امامِ عالی مقام امام حسین رَضِیَ اللہ عنہ قبرستان بھی جایا کرتے تھے ، ہمیں بھی چاہئے کہ عِبْرت حاصِل کرنے کے لئے قبرستان جایا کریں ، وہاں دَفن مسلمانوں کے لئے فاتحہ شریف بھی پڑھیں ، ان کے لئے دُعائے مغفرت بھی کریں اور ساتھ ہی ساتھ عِبْرت بھی لیا کریں ، وہاں بیٹھ کر آنکھیں بند کر کے تَصَوُّر باندھیں ، سوچیں کہ عنقریب مجھے بھی یہیں آنا ہے ، آہ ! میرا بھی آخری ٹھکانا یہی ہو گا ، ہائے ! ہائے ! قبر کی یہ تنہائی ، وحشت ، اندھیرا... ! ! آہ ! قبر میرے حُسْن کو تباہ کر ڈالے گی ، طاقت و قُوَّت سب ختم ہو جائے گی ، آنکھیں پگھل کر بہہ جائیں گی ، گوشت جھڑ جائے گا ، آہ ! میرے اس خوبصُورت جسم ( Beautiful Body )  کو مٹی میں مِلا دیا جائے گا اور پِھر... ! ! پِھر روزِ