چلے گی اور مشرق و مغرب  ( East & West ) میں پھیل جائے گی۔ ^{( [1] )}  

یہاں بڑا اِیْمان افروز نکتہ ہے؛ اللہ پاک نے قرآنِ کریم میں اپنے محبوب نبی ، رسولِ ہاشمی  صَلَّی اللہ عَلَیْہِ وَ آلِہٖ وَسَلَّم   کی شان میں ارشاد فرمایا :

اِنَّاۤ اَعْطَیْنٰكَ الْكَوْثَرَؕ ( ۱ )     ( پارہ : 30 ، الکوثر : 1 )

ترجمہ کنزُ العِرْفان : اے محبوب ! بیشک ہم نے تمہیں بے شمار خوبیاں عطا فرمائیں۔

 اس آیت میں کَوْثَر کا ایک معنیٰ ہے : اَوْلاد کی کَثْرَت۔ ^{( [2] )}  یہ رسولِ اکرم ،  نورِ مُجَسَّم  صَلَّی اللہ عَلَیْہِ وَ آلِہٖ وَسَلَّم  کی شان ہے کہ آپ صَلَّی اللہ عَلَیْہِ وَ آلِہٖ وَسَلَّم  کے شہزادے جوانی تک زِندہ نہ رہے ، سب شہزادے بچپن ( Childhood )  ہی میں وفات پا گئے تھے ، اس کے باوُجُود اللہ پاک نے آپ  صَلَّی اللہ عَلَیْہِ وَ آلِہٖ وَسَلَّم  کی اَوْلاد کو باقی رکھا ، دیکھ لیجئے ! آج بھی لاکھوں کروڑوں کی تعداد میں ساداتِ کرام دُنیا میں موجود ہیں ، یہ ہے؛ کَثْرَتِ اَوْلاد ۔ گویا آپ  صَلَّی اللہ عَلَیْہِ وَ آلِہٖ وَسَلَّم  فرما رہے ہیں کہ اللہ کریم نے مجھے یہ شان بخشی کہ میری اَوْلاد بہت زیادہ ہو گی ، قیامت تک رہے گی مگر میری اس شان کا ظُہُور حُسَیْن کے ذریعے سے ہو گا     کہ حُسَیْنُ سِبْط مِنَ الْاَسْبَاط حُسَیْن مضبوط جَڑ والا درخت ہے ، یہ خُود اگرچہ شہید ہو جائیں گے مگر ان کے ذریعے سے میری اَوْلاد قیامت تک رہے گی۔

حُسَیْنُ مِنِّی کا معنیٰ

پیارے اسلامی بھائیو ! حدیث مبارکہ میں آپ صَلَّی اللہ عَلَیْہِ وَ آلِہٖ وَسَلَّم نے فرمایا : حُسَیْنُ مِنِّی  وَ اَنَا مِنْ حُسَیْن یعنی حُسَیْن مجھ سے ہے اور میں حُسَیْن سے ہوں۔