Book Name:Maqam e Ibrahim Ke Faizal
صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ ُ عَلَیْہِ وَ آلِہٖ وَسَلَّم
ترجمہ ٔکنزُالعِرفان: اور (یاد کرو) جب ہم نے اس گھر کو لوگوں کے لئے مَرْجِع اور اَمَان بنایا اور (اے مسلمانو!) تم ابراہیم کے کھڑے ہونے کی جگہ کو نماز کامقام بناؤ۔
شرف مجھ کو ہر سال حج کا خُدا دے
پیارے اسلامی بھائیو! الحمد للہ! حَج کے اَیّام چل رہے ہیں، خُوش نصیب ہیں وہ لوگ جنہیں اِس سال حج کا بُلاوا نصیب ہوا ہے۔ اللہ پاک اُن خُوش بختوں میں ہمارا بھی نام شامِل فرمائے، کاش! ہمیں بھی ہر سال حج کرنے، طَواف و سَعی، وقوفِ عرفات و مزدلفہ کی سَعَادت ملے، کاش! ہر سال مکّے، مدینے کی بااَدب حاضِری نصیب ہوتی رہے۔ آمِیْن بِجَاہِ خَاتَمِ النَّبِیّٖن صَلَّی اللہُ علیہ وَآلہٖ و َسَلَّم ۔
شرف مجھ کو ہر سال حج کا خُدا دے مدینہ بھی ہر بار مولیٰ دِکھا دے
شرف دیدِ کعبہ کا دیدے اِلٰہی! مجھے سبز گنبد کا جلوہ دِکھا دے
عِبَادت میں لگ جائے دِل یااِلٰہی! مرے دِل سے غفلت کا پردہ ہٹا دے
سِیَہ ہے مرا سارا اَعْمال نامہ اِلٰہی! سیاہی تُو اِس کی مٹا دے([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو! حج دِیگر تمام اِسلامی عِبَادات سے جُدا ایک عِبَادت ہے۔ اس