Book Name:Shehar e Muhabbat
اللہ پاک ہمیں بھی *عشقِ مدینہ*یادِ مدینہ*غمِ مدینہ*ذِکْرِ مدینہ*فِکْرِ مدینہ *اور باربار، ہزار بار باادب حاضِرئ مدینہ کی توفیق نصیب فرمائے۔
مدینہ، مدینہ، ہمارا مدینہ ہمیں جان و دِل سے ہے پیارا مدینہ
سہانا سہانا دِل آرا مدینہ دِوَانوں کی آنکھوں کا تارا مدینہ
یہ ہر عاشقِ مصطفےٰ کہہ رہا ہے ہمیں تو ہے جنّت سے پیارا مدینہ
یہ رنگیں فضائیں، یہ مہکی ہوائیں مُعَطَّر، مُعَنْبَر ہے سارا مدینہ
مدینے کے جلووں کے قربان جاؤں خدا نے ہے کیسا سنوارا مدینہ
خُدا گر قیامت میں فرمائے مانگو پُکاریں گے دیوانے پیارا مدینہ([1])
آمین بِجَاہِ خَاتَمِ ا لنَّبِیّٖنَ صَلَّی اللہُ عَلَیْہِ وَآلِہٖ وَسَلَّم
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
کبوتروں کی آستانۂ مَحْبُوب سے محبّت
پیارے اسلامی بھائیو! مدینہ شہرِ محبّت ہے، یہ صِرْف انسان نہیں ہیں جو مدینے سے محبّت کرتے ہیں، الحمد للہ! جانور بھی مدینۂ پاک سے بےپناہ محبّت کرتے ہیں۔ سیدی قُطْبِ مدینہ مولانا ضیاء الدین مدنی رَحمۃُ اللہِ عَلَیْہجو امیرِاہلسنّت مولانا محمد الیاس عطارقادری دَامَتْ بَرَکَاتُہُمُ الْعَالِیَہ کے پیر صاحب ہیں، مدینۂ پاک سے بہت محبّت رکھتے تھے، آپ برسوں مدینۂ پاک ہی میں حاضِر رہے اور آج بھی الحمد للہ! مدینۂ پاک ہی میں بقیع شریف میں آرام فرما ہیں، سیدی قطبِ مدینہ رَحمۃُ اللہِ عَلَیْہ فرماتے ہیں: ایک مرتبہ انتظامیہ نے مسجد شریف کے حرم اَنْور کو صاف ستھرا رکھنے کے لئے فیصلہ کیا کہ حرم شریف میں کبوتروں کے لئے دانہ نہ