مصطفےٰ ہے، یہاں محبوبِ خُدا، آخری نبی، مُحَمَّد ِعربی صَلَّی اللہُ عَلَیْہِ وَ آلِہٖ وَ سَلَّم تشریف فرما ہیں۔

مدینہ اس لئے عطّار جان و دِل سے پیارا

کہ        رہتے         ہیں         مرے         آقا،         مرے          دِلبر          مدینے         میں^([1])

یہاں ایک وضاحت کر دُوں: مکّہ افضل ہے یا مدینہ...؟ اس بارے میں عُلَمائے کرام نے بہت علمی اَبْحاث لکھی ہیں، آخر میں اِن علمی اَبْحاث کا نتیجہ یہ نکالا ہے کہ پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کی تُربت مبارَک یعنی زمین کا وہ حصّہ جو آپ صَلَّی اللہُ عَلَیْہِ وَ آلِہٖ وَ سَلَّم کے جسم مبارک سے مِلا ہوا ہے، وہ حصّۂ زمین کعبہ شریف بلکہ عرشِ اعظم سے بھی اَفْضل ہے۔ مزارِ شریف کے اُوپَر کا حصّہ اس میں شامِل نہیں ہے۔ پِھر خاص وہ جگہ جہاں کعبہ شریف ہے، وہ تُرْبت مبارک کے عِلاوہ تمام شہرِ مدینہ سے افضل ہے۔ تُربتِ مصطفےٰ صَلَّی اللہُ عَلَیْہِ وَ آلِہٖ وَ سَلَّم اور کعبہ شریف کے عِلاوہ شہرِ مدینہ اور شہرِ مکّہ کی جو باقی جگہ ہے، ان دونوں میں کون افضل ہے، اس بارے میں مسلمانوں کے دوسرے خلیفہ حضرت عمر فاروقِ اعظم رَضِیَ اللہُ عنہ کا مسلک یہ ہے کہ مدینہ افضل ہے^([2]) بلکہ حدیثِ پاک میں ارشاد ہوا: اَلْمَدِیْنَۃُ اَفْضَلُ مِنْ مَکَّۃَ مدینہ مکّے سے افضل ہے۔^([3])

کیونکر نہ ہو مکّے سے سِوا شانِ مدینہ                                                            وہ جبکہ ہو مسکنِ سلطانِ مدینہ

مکّے کو شرف ہے تو مدینے کے سبب سے            اس واسطے مکہ بھی ہے قربانِ مدینہ

آتے ہیں سرِ عجز جھکائے ہوئے لاکھوں                        شاہانِ جہاں پیشِ گدایانِ مدینہ

مرنے پہ بھی چھوڑیں گے نہ محبوب کا کوچہ                عشّاق کی جنّت ہے بیابانِ مدینہ