آیتِ کریمہ کے اس حصّے کی ایک تفسیر، عُلَمائے کرام نے یہ فرمائی کہ جو بندہ نیکی کرے، کون سی نیکی؟ سرکارِ عالی وقار، مکی مَدَنی تاجدار صَلَّی اللہُ عَلَیْہِ وَ آلِہٖ وَسَلَّم کے قرابَت داروں سے محبّت کی نیکی...!! یعنی جو اَہْلِ بیت سے محبّت کرے، اللہ پاک اسے مزید نیکیوں کی توفیق نصیب فرمائے گا، بےشک اللہ پاک بخشنے والا، قدر فرمانے والا ہے۔^([1])  

قلب میں عشقِ آل رکھا ہے                                                                    خوب اِس کو سنبھال رکھا ہے

شکریہ تم نے آل کا صدقہ                                                                                 میری جھولی میں ڈال رکھا ہے

کیوں جہنَّم میں جاؤں سینے میں                                                                 عشقِ           اَصحاب          و           آل           رکھا           ہے^([2])

پیارے اسلامی بھائیو! اس آیتِ کریمہ میں *رسولِ اکرم، نورِ مُجَسَّم صَلَّی اللہُ عَلَیْہِ وَ آلِہٖ وَسَلَّم کے قرابَت داروں *آپ کے اَہْلِ بیتِ پاک *آپ کی آل اَوْلاد *آپ کی اَزْواجِ مطہرات یعنی ہم مسلمانوں کی پاک ماؤں سے محبّت و عقیدت رکھنے کا حکم دیا گیا ہے، اس آیتِ کریمہ میں ہمارے لئے سیکھنے کی 2چیزیں ہیں:

(1):حُضُور کی نسبت بےمثال نعمت ہے

پہلی بات تو یہ سیکھنے کو ملتی ہے کہ سرکارِ عالی وقار، مکی مَدَنی تاجدار صَلَّی اللہُ عَلَیْہِ وَ آلِہٖ وَسَلَّم کی نِسْبت بہت کمال دولت ہے۔ دیکھئے! آپ صَلَّی اللہُ عَلَیْہِ وَ آلِہٖ وَسَلَّم کے قرابَت داروں کی محبّت، ایمان کے فرائِض میں شامِل کی گئی، اس میں کیا حِکمت ہے، اس کا سبب کیا ہے؟ صِرْف یہ کہ اُنہیں رسولوں کے سردار، نبیوں کے تاجدار صَلَّی اللہُ عَلَیْہِ وَ آلِہٖ وَسَلَّم سے نسبت اور