شُعَبُ الْاِیْمان میں ہے: جو بندہ پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کے روضۂ پُرنُور پر حاضِر ہو اور یہ آیت تِلاوت کرے:

اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(۵۶) (پارہ:22 ،سورۂ احزاب:56)

ترجمہ کَنْزُ العِرفان:بیشک اللہ اور اس  کے فرشتے نبی پر درود بھیجتے ہیں۔اے ایمان والو!ان پر درود اور خوب سلام بھیجو۔

پھر 70 مرتبہ دردِ پاک پڑھے تو ایک فرشتہ اُسے پُکار کر کہتا ہے: اے فُلاں! اللہ پاک تجھ پر رحمتیں نازِل فرمائے! تیری کوئی حاجَت باقی نہ رہے۔^([1])   

صَلُّوا عَلَی الْحَبیب!                                               صَلَّی اللہُ عَلٰی مُحَمَّد

بیان سننے کی نیتیں

حدیثِ پاک میں ہے: اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔^([2])

اے عاشقانِ رسول ! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کروا دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! *عِلْمِ دِین سیکھنے کے لئے پورا بیان سُنوں گا *بااَدب بیٹھوں گا *اپنی اِصْلاح کے لئے بیان سُنوں گا *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللہُ عَلٰی مُحَمَّد

ایک مَجذوب کی نصیحت

شیخِ طریقت، امیر اہلسنت دَامَت بَرَکَاتُہمُ الْعَالِیَہ کے پِیر صاحِب سیدی قُطْبِ مَدِیْنَہ مولانا