کیا غرض دَر دَر پھروں میں بھیک لینے کے لئے

ہے سلامت آستانہ آپ کا داتا پیا

جھولیاں بھر بھر کے لے جاتے ہیں منگتے رات دِن

ہو       مِری       اُمِّید       کا       گلشن       ہَرا       داتا       پیا^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پیارے اسلامی بھائیو! اَلْحَمْدُ للہ! حُضُور داتا گنج بخش علی ہجویری رَحمۃُ اللہِ عَلَیْہ وَلِیِّ کامِل ہیں اور آپ کے فیض کا دریا آج بھی جاری ہے۔

ہم نے اِبتدا میں پارہ:30، سُورۂ نَازِعَات کی 2 آیات سننے کی سَعادَت حاصِل کی، آئیے! پہلے اِن آیات کی وضاحت سُن لیتے ہیں، پِھر اِن آیات کی روشنی میں داتا حُضُور رَحمۃُ اللہِ عَلَیْہ کے فیض کے تذکرے سُنیں گے۔

آیتِ کریمہ کی مختصر وضاحت

اللہ پاک فرماتا ہے:

فَالسّٰبِقٰتِ سَبْقًاۙ(۴) فَالْمُدَبِّرٰتِ اَمْرًاۘ(۵) (پارہ:30، النٰزعٰت:4و5)

تَرْجَمَۂ کَنْزُالْعِرْفَان: پھر (قسم ہے!)آگے بڑھنے والوں کی، پھر کائنات کا نظام چلانے والوں کی

اس مقام پر اَصْل میں 5صفات ہیں، جن کی اللہ پاک نے قسم ارشاد فرمائی ہے، ان میں سے 2صِفات ہم نے سُنیں کہ فرمایا: آگے بڑھنے والوں کی قسم! اور کائنات کا نظام چلانے والوں کی قسم...!!