نبی بنایا تو سارے نبیوں کا سردار بنا دیا *اللہ پاک نے آپ کو نُور بنایا تو نُوری مخلوق اور بھی ہے، فرشتے سارے کے سارے نُوری مخلوق ہیں مگر ذرا واقعۂ معراج پر نظر تو ڈالئے، ایک نُور حضرت جبریل علیہ السَّلَام ہیں، ایک نُور میرے اور آپ کے آقا صَلَّی اللہُ عَلَیْہِ وَ آلِہٖ وَ سَلَّم ہیں، سِدْرَۃُ المُنْتَہیٰ کا مقام آتا ہے، حضرت جبریل عَلَیْہِ السّلام عرض کرتے ہیں: یارسولَ اللہ صَلَّی اللہُ عَلَیْہِ وَ آلِہٖ وَ سَلَّم! یہاں سے ایک پَورے کے برابر آگے بڑھوں تو میرے پَر جل جائیں گے، ذرا غور کرنے کا مقام ہے، جبریل عَلَیْہِ السَّلَامبھی نُور ہیں، پیارے آقا صَلَّی اللہُ عَلَیْہِ وَ آلِہٖ وَ سَلَّم بھی نُور ہیں، ایک وہ نور ہے کہ ذرا آگے بڑھے تو پَر جلتے ہیں، ایک وہ مبارک نُور ہے کہ آگے جائے تو بدن مبارک پر پہنے ہوئے کپڑوں کو بھی کچھ نہیں ہوتا ہے ۔ پتا چلا؛ اللہ پاک نے اپنے محبوب صَلَّی اللہُ عَلَیْہِ وَ آلِہٖ وَ سَلَّم کو نُور بنایا تو نُور بھی بےمثل و بےمثال بنایا ہے *اور شان دیکھئے! دُنیا میں ہر ایک کو جس فطرت پر پیدا کیاگیا،  رَبِّ  کریم نے اپنے محبوب صَلَّی اللہُ عَلَیْہِ وَ آلِہٖ وَ سَلَّم کو فطرت بھی سب سے جُدا عطا فرمائی، سب کی فطرت میں سیکھنا رکھا، محبوبِ کریم صَلَّی اللہُ عَلَیْہِ وَ آلِہٖ وَ سَلَّم کی فطرت میں شانِ اُمِّیت رکھی کہ آپ سیکھتے کسی سے نہیں ہیں، سکھاتے سب کو ہیں۔

 نامِ پاک اُمِّی اور عِلْمِ غیب ِ مصطفےٰ

پیارے اسلامی بھائیو! ہمارے آقا ومولیٰ، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم اُمِّی ہیں۔ علّامہ فخر الدین حرَّالی رَحمۃُ اللہِ عَلَیْہ نے اس کے تحت ایک اور مدنی پھول دیا، آپ فرماتے ہیں: (اُمِّی کا لفظی معنیٰ ہے: بےپڑھے یعنی کسی عام آدمی کے لئے جب لفظِ اُمِّی بولا جائے گا تو اس کا