برکتیں ہی برکتیں ملیں گی۔ روایات کے مطابق جو اسلامی بھائی پانچوں اذان  کا جواب دے، اسے 1کروڑ 54لاکھ  (Million:15.4)نیکیاں ملتی ہیں۔ ^([1])

(5):40 حدیثیں یاد کر لیجئے!

فرمانِ مصطفےٰ صَلَّی اللہ عَلَیْہِ وَ آلِہٖ وَ سَلَّم:جو شخص دینی معاملات کے متعلق 40حدیثیں  یاد کرکے میری امت تک پہنچا دے گا ، میں  قیامت کے دن اس کی شفاعت کروں گا اور اسکے لئے گواہی دوں گا۔^([2])

سُبْحٰنَ اللہ! شَفاعت کا حقدار بننے کے لئے یہ بھی کتنا پیارا طریقہ ہے۔ حدیثیں یاد کیجئے! افسوس کی بات ہے کہ اب ہمارے ہاں حدیثیں یاد کرنے کا رجحان بہت ہی کم رہ گیا ہے، پہلے کے مسلمان سینکڑوں کلومیٹر کا پیدل سفر کر کے ایک حدیث سیکھنے جایا کرتے تھے، اب تو حدیثیں یاد کرنا، حدیثیں پڑھنا زیادہ مشکل ہی نہیں رہ گیا۔ الحمد للہ!مکتبۃ ُالمدینہ نے 40 اَحَادِیث کے مجموعہ پر مشتمل چند کتب بھی شائع کیں ہیں، مثلاً * مُنْتَخَب اَحَادِیث * فِیضانِ چَہَل حدیث * اَرْبَعِیْنِ حَنْفِیَّہ * اَلْاَ رْبَعينُ النَّوَوِيَّہ * اَرْبَعِیْنِ عَطَّارْ۔یہ کتابیں مکتبۃُ المدینہ سے حاصل کیجئے!  یا دعوتِ اسلامی کی ویب سائٹ www.dawateislami.net سے ڈاؤن لوڈ کیجئے۔ اِنْ شَآءَ اللہ الْکَرِیْم! 40 احادیث یاد کرنے کی فضیلت حاصل کرنے میں مدد ملے گی ۔

فیضانِ حدیث موبائل ایپلی کیشن

اس کے علاوہ الحمد للہ! دعوتِ اسلامی کے آئی ٹی ڈیپارٹمنٹ کی طرف سے بہت فائدہ مند موبائل ایپلی کیشن بنام ”فیضانِ حدیث“Play Store اور App Store پر پیش