باره کښې دومره اِختلاف دے، دے پۀ خپل لقب باندې مشهور دے او دا لقب هغوئي ته رسولِ اکرم صَلَّى اللهُ عَلَيْهِ وَاٰلِهٖ وَسَلَّم عطا کړے وو، د هغوئي د حضور صَلَّى اللهُ عَلَيْهِ وَاٰلِهٖ وَسَلَّم لقب دومره خوښ شو چې هم پۀ هغې باندې مشهور شو۔ هٰغه لقب څۀ دے؟ لقب دے: سَفِينَه۔ حضرت سَفِينَه رَضِىَ اللهُ عَـنْهُ ډير مشهور صحابي دے۔ دوئي ته دا لقب ولې ميلاؤ شوے وو؟ پۀ دې باره کښې دوئي پخپله فرمائي: يو ځل خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم چرته تشريف وړلو، صحابۀ کرام رَضِىَ اللهُ عَـنْهُم هم ورسره وو، د صحابۀ کرامو رَضِىَ اللهُ عَـنْهُم سره چې کوم سامان وو، د هغې پۀ اوچتولو کښې هغوئي د سختې سره مخ وو، رحم او کرم کوونکي خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم چې کله دا وکتل نو ما ته يـې وفرمائيل: خپل څادر وغوړوه! ما څادر وغوړولو۔ صحابۀ کرامو رَضِىَ اللهُ عَـنْهُم ته يـې وفرمائيل: ټول خپل سامان پۀ دې څادر کښې کيږدئ! ټولو سامان کيښودو، نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: اِحْمِلْ، ‌فَاِنَّمَا ‌اَنْتَ ‌سَفِينَةُ دا اوچت کړه! بے شکه تۀ سَفِينَه (يعنې کشتۍ) يـې۔ ^([1])

علمائے کرام فرمائي: د دې واقعې نه پس د حضرت سفينه رَضِىَ اللهُ عَـنْهُ دا حالت وو چې د يو اوښ بوج به يـې پۀ يواځې اوچتولو۔ ^([2])

وہ زباں جس کو سب کُن کی کنجی کہیں                                                                                                                                               اس کی نافِذ حکومت پہ لاکھوں سلام^([3])