پيارا اسلامي ڀائرو! الحمدلله! وڏو ئي عزّت وارو مهينو، جنهن کي حديث پاڪ  ۾  شَہْرُ اللہ   يعني الله پاڪ جو مهينو چيو ويو آهي ^([1])يعني رَجَبُ الْمُرَجَّب  جاري آهي، پنهنجون برڪتون لٽائي رهيو آهي، هن مُبارڪ مهيني جي 6 تاريخ تي عالمِ اسلام جي تمام وڏي هستي سلطانُ الهند حضور خواجه غريب نَواز مُعِيۡنُ الدِّين حسن سنجري اجميري رَحْمَةُ اللهِ عَلَيْه جو ڏينهن ملهايو ويندو آهي. خواجه غريب نواز رَحْمَةُ اللهِ عَلَيْه 537 ھجريءَ تي پيدا ٿيا. سندن نالو حسن آهي ۽
مُعِیْنُ الدِّیْن، غريب نواز، سلطان الهند، وارثُ النبي، عطاءِ رسول سندن مشهور لقبَ آهن. ^([2])  خواجه فارسي ٻوليءَ جو لفظ آهي، جنهن جي معنيٰ آهي: سردار، آقا.^([3])

خواجۂ خواجگاں مُعِیْنُ الدِّیْن                                                                                                   فخرِ کون ومکاں مُعِیْنُ الدِّیْن

  خواجه غريب نواز رَحْمَةُ اللهِ عَلَيْه نَجِيۡبُ الطَرفين آهن يعني والد ۽ والده ٻنهي پاسي کان سَيِّد آهن، 12 واسطن سان سندن نسبت جو سلسلو مسلمانن جي چوٿين خليفي موليٰ علي مشڪل ڪشاء  رَضِىَ اللهُ عَـنْهُ تائين وڃي پهچي ٿو. ^([4])

چراغِ انجمنِ اَوْلیا غریب نواز                                                                                                                                                                 امینِ سَطْوَتِ خیبر کُشَا غریب نواز

گُلِ حدیقۂ حسنین، نورِ چَشْمِ علی                                                                                                                                                                 فدائے سیرتِ خیر الوریٰ غریب نواز