Book Name:Ghazwa e Badar Say Hum Nay Kia Seekha
مشکل راشي، پريشاني راشي، مصيبت راشي، پۀ استقامت سره، پۀ حکمت سره د خپل مقصد طرف ته وړاندې ځو، اِنْ شَآءَ اللہُ الْکَرِیم! يوه ورځ به مو کاميابي نصيب شي۔
خوږو او محترمو اِسلامي وروڼو! مونږه بعضې وخت صبر خو کوو خو د صبر چې کومه موده (Time Period) وي، هغه نۀ پوره کوو۔ ياد ساتئ چې د کاميابۍ حاصلولو د پاره د صبر وخت هم ډير اثر غورځوي۔ د کومې کاميابۍ د پاره چې درې ګينټې صبر کول پکار وي، د هغې د پاره به مونږ ته هم درې ګينټې صبر کول وي، که دوه ګينټې صبر کوو نو کار نۀ کيږي، د کومې کاميابۍ د پاره چې مونږ ته د لسو کالو د صبر ضرورت دے، د هغې د پاره به هم لس کاله صبر کول پکار وي، داسې د صبر د وخت خيال ساتل هم ضروري دي۔ د چا صاحبِ عِلم نه پوښتنه وکړے شوه: مونږ له تر کومه صبر کول پکار دي؟ هغوئي ډير ښکلے جواب ورکړو: اوئې وئيل: الله پاک فرمائي:
اِنَّ اللّٰہَ مَعَ الصّٰبِرِیْنَ (ۚ۴۶)
(پارہ:10، سورۀ انفال:46)
ترجمهٴ کنزُ العِرفان: بے شکه اللہ د صبر کوونکو سره دے۔
لهذاچې تر څو پورې تۀ غواړې چې د الله پاک (مدد او نصرت) ستا سره وي، تر هٰغه وخته پورې صبر کوه۔ الله پاک دې مونږ ته د صبر او د برداشت توفيق راعطا کړي۔
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .
دا هٰغه درې کارونه دي کوم چې د کاميابۍ حاصلولو د پاره مونږ ته کول دي: (1): د الله او د رسول صَلَّى اللهُ عَلَيْهِ وَاٰلِهٖ وَسَلَّم اطاعت (2): پۀ خپل مينځ کښې اتفاق او اتحاد (3): صبر۔ اوس هٰغه درې کارونه واورئ! کوم چې د کاميابۍ د پاره نۀ کول ضروري دي۔