سیدی اعلیٰ حضرت، امام اَحمد رضا خان  رحمۃُ اللہِ علیہ  فرماتے ہیں:

اے شبِ ہِجْرَت بَجَائے مُصطَفٰے بَر رَختِ خَواب

اَے    دَمِ    شِدَّت    فِدائے    مصطَفٰے    اِمْداد    کُن^([1])

وضاحت: اے ہجرت کی رات، سرورِ کائنات  صلّی اللہ عَلَیْہِ وَ آلِہٖ وَسَلَّم  کے مبارَک بچھونے پر لیٹنے والے! اے ایسے سخت اِمتحان کے لمحات میں شَہَنْشاہِ موجودات  صلّی اللہ عَلَیْہِ وَ آلِہٖ وَسَلَّم  پرجان کا نذرانہ حاضِر کرنے والے! میری اِمداد فرمایئے۔

پیارے اسلامی بھائیو! محبّتِ علی کا کیسا پیارا اَنداز ہے، بظاہِر غُلام کو تکلیف پہنچی تھی، عمومًا ایسا کوئی معاملہ ہو جائے، مثلاً اُستاد کبھی غلطی پر سزا دے دے، والدین کچھ ڈانٹ ڈپٹ کر دیں تو سگی اَوْلاد بھی ماں باپ کے خِلاف باتیں کرنے، غیبتیں چغلیاں کھانے لگتی ہے، قربان جائیے! اس غُلام کی کیسی محبّت تھی کہ ہاتھ کَٹْوا کر بھی مَوْلیٰ علی  رَضِیَ اللہُ عنہ  کا شکر گزار تھا۔ پِھر اِس نِرالی، انوکھی، سچّی محبّت کا صِلہ کیا مِلا، مولیٰ علی مشکل کُشا  رَضِیَ اللہُ عنہ  نے اس کی تکلیف دُور کی اور کَٹا ہوا ہاتھ، واپس جوڑ دیا۔

ایک ذرّہ اپنی اُلفت کا عنایت کر مجھے                               اپنا دیوانہ بنا مولیٰ علی مشکل کُشا

بھیک لینے کیلئے دربار میں منگتا ترا                                                     لے کے کشکول آ گیا مولیٰ علی مشکل کُشا^([2])

محبّتِ علی اِیمان کا حصّہ ہے

پیارے اسلامی بھائیو! ہمیں بھی چاہئے کہ مَوْلیٰ علی  رَضِیَ اللہُ عنہ  اور تمام کے تمام صحابۂ