کرام اور اَہْلِ بیتِ پاک   رَضِیَ اللہُ عنہم  سے سچّی پکّی محبّت کریں۔ مسلم شریف کی حدیثِ پاک ہے اور اس کے راوِی (یعنی حدیث بیان کرنے والے) خُود حضرت علیُ المرتضیٰ  رَضِیَ اللہُ عنہ  ہیں، فرماتے ہیں: مجھے اُس ذات کی قسم! جو دانے کو پھاڑتی(یعنی دانے سے درخت نکالتی) ہے، اُس ذات کی قسم! جس نے رُوح کو پیدا کیا، بےشک نبی اُمِّی، رسولِ ہاشمی، مُحَمَّدِ عربی  صلّی اللہ عَلَیْہِ وَ آلِہٖ وَسَلَّم  کا مجھ سے وعدہ ہے کہ اَنْ لَّا یُحِبَّنِیْ اِلّا مُؤْمِنٌ وَّلَا یُبْغِضَنِیْ اِلّا مُنَافِقٌ یعنی مجھ سے محبّت نہیں رکھے گا مگر مؤمن اور مجھ سے بُغض (یعنی دِل میں دُشمنی) نہیں رکھے گا مگر مُنَافق۔^([1])

اے عاشقانِ صحابہ و اہل بیت! اس حدیثِ پاک سے معلوم ہوا کہ حضرت علیُ المرتضیٰ  رَضِیَ اللہُ عنہ  کی محبّت اِیمان کی نشانی ہے اور حضرت علیُ المرتضیٰ  رَضِیَ اللہُ عنہ  کا بُغْض مَعاذَ اللہ! مُنافقت کی نشانی ہے۔ صحابئ رسول، حضرت جابر  رَضِیَ اللہُ عنہ  فرماتے ہیں: صحابۂ کرام   علیہمُ الرّضوان   کے ہاں یہ طریقہ تھا کہ کسی کے اِیمان یا منافقت کو جانچنا ہوتا تو بُغْضِ علی سے جانچتے تھے، جس کو دیکھتے کہ حضرت مَوْلیٰ علی  رَضِیَ اللہُ عنہ  سے بُغْض رکھتا ہے، جان لیتے کہ یہ منافق ہے۔^([2])

اللہ پاک ہمیں بھی مولیٰ علی  رَضِیَ اللہُ عنہ  کی سچّی پکّی محبّت نصیب فرمائے، ہمارے سینوں کو محبّتِ علی کا خزینہ بنائے۔ آمِیْن بِجَاہِ خَاتَمِ النَّبِیّٖن  صلّی اللہ عَلَیْہِ وَ آلِہٖ وَسَلَّم ۔

 جس کا میں مَوْلیٰ، اُس کے علی مَوْلیٰ

حَجَّۃُ الْوَداع کا موقع تھا ( ہمارے آقا ، مَدَنی مُصطفےٰ  صلّی اللہ عَلَیْہِ وَ آلِہٖ وَسَلَّم نے ظاہری زندگی