Shehad ki Makhi Ko Nasihat

Book Name:Shehad ki Makhi Ko Nasihat

پیارے اسلامی بھائیو! بیان کو اختتام کی طرف لاتے ہوئے سنّت کی فضیلت اور نبی پاک، صاحبِ لولاک  صَلَّی اللہُ عَلَیْہِ وَ آلِہٖ وَ سَلَّم  کی ایک سنّت بیان کرنے کی سَعَادت حاصِل کرتا ہوں۔ تاجدارِ رِسالت، شہنشاہِ نبوت  صَلَّی اللہُ عَلَیْہِ وَ آلِہٖ وَ سَلَّم  نےفرمایا: مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجَنَّةِ جس نے میری سُنّت سے محبّت کی اس نے مجھ سے محبّت کی اور جس نے مجھ سے محبّت کی وہ جنّت میں میرے ساتھ ہو گا۔([1])

سینہ تیری سُنّت کا مدینہ بنے آقا!                                         جنت میں پڑوسی مجھے تم اپنا بنانا

قربانی سنّت ِ مصطفےٰ  صَلَّی اللہُ عَلَیْہِ وَ آلِہٖ وَ سَلَّم  ہے

2فرامینِ آخری نبی، رسول ہاشمی صَلّی اللہُ عَلَیْہ وآلِہ وسَلَّم : (1): جو خوش دِلی سے، ثواب کیلئے قربانی کرے، اس کی قُربانی اس کے اور جہنّم کے درمیان آڑ بن جائے گی۔([2]) (2): تمہارے لئے قربانی کے جانور کے ہر بال کے عِوَض ایک نیکی ہے۔([3])

اے عاشقانِ رسول! پیارے آقا، مکی مَدَنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم اہتمام سے قربانی فرمایا کرتے تھے، حضرت عائشہ  رَضِیَ اللہُ عنہ ا فرماتی ہیں:آپ  صَلَّی اللہُ عَلَیْہِ وَ آلِہٖ وَ سَلَّم  کی بارگاہ میں  ایک چِتْکَبْرا(سفید اور کالے دَھبّوں والا)مینڈھا پیش کیا گیا، جس کو آپ  صَلَّی اللہُ عَلَیْہِ وَ آلِہٖ وَ سَلَّم  نے اپنے ہاتھوں سے ذبح فرمایا۔([4]) *قربانی ہر اُس بالغ مقیم مسلمان مرد و عورت پر واجب ہے، جو مالکِ نصاب (یعنی جس کے پاس ساڑھے باوَن(52.5) تولے چاندی یا اُتنی مالیت کی رقم یا اتنی مالیت کا تجارت کا مال یا اتنی مالیت کا حاجتِ اصلیہ کے علاوہ سامان)ہو۔([5])*جو اِستطاعت


 

 



[1]...تاریخ مدینہ دمشق، جلد:9، صفحہ:343۔

[2]...معجم کبیر،جلد:2، صفحہ:213، حدیث:2670۔

[3]...ابن ماجہ، کتاب:الاضاحی، باب:ثواب الاضحیہ، صفحہ:510، حدیث:3127۔

[4]... مسلم، کتاب الاضاحی، باب استحباب الضحیۃ...الخ، صفحہ:782، حدیث:1967۔

[5]... فتاویٰ ہندیہ، کتاب الاضحیہ، باب فی تفسیرھا و رکنھا...الخ، جلد:5، صفحہ:360-362 ملتقطاً۔