د خوږ آقا خوښ څوك ؟

     د ټولو مسلمانانو مور محترمه حضرت عائشه صِدِّيقه رَضِیَ اللهُ عَنْها فرمائي: رَسُولِ اكرَم، نُورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم د دُنيا په يو څيز هم نه خوشحاليدلو او د مُتَّقـي او پرهيزګار انسان نه سِوا هغوئي چا خوشحاله كړي نه دي.^[1]

 ټول عِزَّت په تقوٰى كښې دے

     الله پاك په قرآنِ كريم كښې ارشاد فرمائي:

اِنَّ اَكْرَمَكُمْ عِنْدَ اللّٰهِ اَتْقٰىكُمْؕ-    (پارہ:26،سورۂ حجرات:13)     

[مفهوم] ترجمۂ کَنْز الايمان: بے شكه د الله په نِزد زيات عِزَّت والا هغه دے څوک چې په تاسو كښې د ټولو نه زيات پرهيزګار دے.

    د دې آيتِ كريمه نه معلومه شوه چې د الله پاك په بارګاه كښې د فضيلت او عِزَّت دارومدار نسب نه بلكه پرهيزګاري ده، ځکه هر يو مسلمان له پكار دي چې هغه په نسب باندې د فخر كولو نه بچ شي او تقوٰى او پرهيزګاري خپله كړي چې د الله پاك په بارګاه كښې ورته عِزَّت او فضيلت نصيب شي. ^[2]

     يو عربي شاعر وائي:

مَا    یَصْنَعُ    الْعَبْدُ    بِعِزِّ     الْغِنیٰ                                                                                                                         وَ    الْعِزُّ         کُلُّ         الْعِزِّ         لِلْمُتَّقِیْ

ترجمه:  انسان به د مال او دولت په عِزَّت څه اوكړي، عِزَّت خو ټول د مُتَّقي د پاره دے.