وضاحت: دا هغه خوش قسمته اُمَّت دے، د چا د هدايت د پاره چې الله پاک خپل د ټولو نه محبوب نبي، خاتَمُ النَّبِيَّين صَلَّى اللهُ عَلَيْهِ وَاٰلِهٖ وَسَلَّم راوليږو، دې اُمَّت ته د خَيرُ الْاُمَمْ لقب ورکړے شو۔

خوږو او محترمو اسلامي ورونړو! دا ده د يو مسلمان اَوَّلينَ ذِمَّه واري چې مسلمان هميشه د خَيرُ الْاُمَمْ يعني بهترين اُمَّت جوړيدو سره پاتې شي۔ يقيناً چې څوک بهترين وي، هغه آئيډيل هم وي او څوک چې آئيډيل وي، هغه د بل چا نقل نه کوي، نور خلق په هغه پسې روان وي، ځکه داسې کيدل پکار دي چې مسلمان داسې جوړ شي چې نور قومونه په دوئي پسې روان شي، د مسلمانانو اَخلاق داسې اعلٰی وي چې نور قومونه د مسلمانانو نه اخلاق زده کړي، د مسلمان کردار داسې اعلٰی وي چې نور قومونه د کردار د بهترئ د پاره د دوئي صحبت خپل کړي، د يو مسلمان عادتونه، د هغه کارونه، د هغه خبرې، طور طريقې، چال چلن داسې بهتر وي چې هغه آئيډيل جوړ کړے شي، د هغه پيروي اوکړے شي، نور قومونه د هغوئي په کردار، اخلاقو او عادتونو رشک اوکړي او د هغوئي په ليدو سره ژوند زده کړي۔

خو افسوس! نن سبا حالات اُلټا دي، خَيرُ الْاُمَمْ (بهترين اُمَّت) مونږ يو، پکار خو دا وه چې مونږ د نورو د پاره آئيډيل جوړ شوے وے، مونږ نور قومونه خپل آئيډيل جوړ کړه، پکار خو دا وه چې نورو قومونو زمونږ نقل کولے خو مونږ نقليان جوړ شو، مونږ د نورو نقل شروع کړو، په چال چلن کښې د کافِرانو نقل، په تعليم کښې د کافِرانو نقل، په اُصُولو او قوانينو کښې د کافِرانو نقل، تر دې پورې چې په پيزار او جامو اخستو او په خوراک څښاک کښې هم د نورو قومونو نقل کولے شي، صَد اَفسوس! نن مسلمان قرآن نه زده کوي، د کافِرانو فلسفې زده کوي، د خپل آقا او مولا، مکي مدني مصطفٰے