Book Name:2 Buland Rutba Shakhsiyat
سُبْحٰنَ اللّٰہ! په سُنَّت باندې د عمل کولو څومره ښکلې جذبه ده...!! خو افسوس! نن صبا زمونږه حالات ډير افسوسناك دي، دلته خلق د يو بَل سره د ميلاؤيدلو په وخت د سُنّت مطابق د سلام کولو په ځائے * ښه چارې * څنګه ئې؟ * طبِيعت دې څنګه دے * سحر مو په خير * شپه مو په خير وغيره عجيبه شان الفاظو نه شروع کوي، دا د سُنَّت خلاف دي. د رُخصتيدو په وخت هم * په مخه دې ښه * ګُډ بائے * ټاټا وغيره وئيلو په ځائے سلام کول پکار دي. آؤ د رخصتيدو په وخت د اَلسَّلامُ عَلَيْکُم وئيلو نه پس که چرې الله دې مَل شه اووائې نو هيڅ باک پکښې نشته.
صحابئ رسول حضرت ابو راشِد عبد الرحمان رَضِىَ اللهُ عَـنْهُ فرمائي: زه ماشوم ووم، يو ځل د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم په خدمت کښې حاضر شوم نو ما اووئيل: اَنْعِمْ صَبَاحاً (دا عربي ده، د دې انګلش ترجمه به جوړيږي: Good Morning) يعنې سحر مو په خير. رسولِ اکرم، نورِ مُجَسَّم اوفرمائيل: دا خو د مسلمانانو سلام نه دے، کله چې تۀ د چا خوا له ځې نو وايه: اَلسَّلَامُ عَلَیْکُمْ وَرَحْمَۃُ اللّٰہِ .[1]
خوږو او محترمو اسلامي ورونړو! سلام کول زمونږه د خوږ آقا، مكي مدني مصطفٰـى صَلَّى اللهُ عَلَيْهِ وَاٰلِهٖ وَسَلَّم ډير ښکلے سُنت دے.[2] مونږ له هم عادت جوړول پکار دي، چې وړومبے سلام اوکړو، بيا کلام اوکړو. اِنْ شَآءَ اللّٰہُ الْکَرِیم! ثواب به مو هم اوشي، په خپل