مُحَمَّدِ مصطفےٰ صَلَّی اللہ عَلَیْہِ وَ آلِہٖ وَ سَلَّم رمضانُ المبارک کیسے گزارا کرتے تھے ؟ آئیے ! اس تعلق سے آپ صَلَّی اللہ عَلَیْہِ وَ آلِہٖ وَ سَلَّم کی پیاری پیاری ادائیں سنتے ہیں ، اگر ہم ان مبارک نَبْوِی اداؤں کو اپنا لیں تو اِنْ شَآءَ اللہ الْکَرِیْم ! ماہِ رمضان کی برکتیں سمیٹنے اور مغفرت کی خیرات پانے میں کامیاب ہو جائیں گے۔

 ( 1 ) : ماہِ رمضان کا استقبال فرمایاکرتے

 * ہمارے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی پیاری ادا یہ ہے کہ آپ صَلَّی اللہ عَلَیْہِ وَ آلِہٖ وَ سَلَّم ماہِ رمضان کا بھر پُور طریقے سے اِستقبال کیا کرتے تھے ^{( [1] )}  * آپ صَلَّی اللہ عَلَیْہِ وَ آلِہٖ وَ سَلَّم کی عادتِ کریمہ تھی کہ رَجَبُ الْمُرَجَّب ہی سے رمضان المبارک تک پہنچنے کی دُعائیں فرمانا شروع کر دیتے * آپ صَلَّی اللہ عَلَیْہِ وَ آلِہٖ وَ سَلَّم ماہِ رمضان کے پڑوسی یعنی ماہِ شعبان کی قدر فرماتے اور شَعْبَانُ الْمُعَظَّم میں کثرت سے نفل روزے رکھا کرتے * رمضان المبارک آنے سے پہلے ہی استقبالیہ خطبہ دیتے ، جس میں ماہِ رمضان کے فضائل اور برکتیں بیان فرماتے ^{( [2] )}  * پِھر جب ماہِ رمضان کا چاند نظرآجاتا تو چاند دیکھنے کی خاص دُعا پڑھتے ^{( [3] )}  * اور آمدِ رمضان کی خوشخبریاں دِیا کرتے تھے۔ ^{( [4] )}  

ماہِ رمضاں جہاں میں پھر آیا                                                                               مغفرت کا پیام ہے لایا