ماہ ِرَمضاں رحمتوں اور برکتوں کی کان ہے

آگیا رَمضاں عبادت پر کمر اب باندھ لو

فیض لے لو جلد یہ دن تیس کا مہمان ہے

 ( 5 ) : آقا صَلَّی اللہ عَلَیْہِ وَ آلِہٖ وَ سَلَّم خوب سخاوت فرماتے

پیارے اسلامی بھائیو ! پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم کے رمضانُ المُبارک کے معمولات میں سے یہ بھی ہے کہ آپ  صَلَّی اللہ عَلَیْہِ وَ آلِہٖ وَ سَلَّم ماہِ رمضان میں خوب کثرت سے سخاوت فرمایا کرتے تھے ، روایات میں یہاں تک کہ آپ صَلَّی اللہ عَلَیْہِ وَ آلِہٖ وَ سَلَّم ماہِ رمضان میں تیز ہوا سے بھی بڑھ کر سخاوت فرماتے ^{( [1] )}  آپ سے جو مانگا جاتا ، عطا فرما دیتے تھے۔ ^{( [2] )}  

سُبْحٰنَ اللہ ! ہمارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم تو سخیوں کے سخی ہیں ، رمضان ہو یا غیرِ رمضان  اس دَرْسے سخاوت کا دریا ہمیشہ جاری ہی رہتا ہے۔  البتہ ! سخی آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا دریائے سخاوت مزید جوش پر ہوتا تھا۔ہمیں بھی ماہِ رمضان میں اپنی سخاوت بڑھا دینی چاہئے ، پہلے جتنا راہِ خُدا میں دیتے ہیں ، رمضانُ الْمُبارک میں اس سے بڑھ کر دیں ، ہمارے مُعَاشرے میں غریبوں کی کمی نہیں ہے ، کتنے یتیم ، مسکین ، غریب بےچارے ایسے ہوں گے جن کی سحریاں افطاریاں پانی سے ہو رہی ہوں گی ، کھجور خریدنے کی بھی ہو سکتا ہے طاقت نہ ہو ، پھر رمضانُ الْمُبارک کے بعد ساتھ ہی عِیْد بھی تشریف لے آتی ہے ، بےچارے غریب اچھے انداز میں روزے رکھ پائیں ، سحری افطاری میں ان کا بھی دسترخوان سجے ، اِنہیں بھی اللہ پاک کی پیدا کردہ نعمتیں