مِلی  عاشق  کو  فرحت ،  ماہِ  رمضان  آنے  والا  ہے ^{( [1] )}

رمضان ماہِ نزولِ قرآن

اے عاشقان رسول ! رمضان المبارک کی بھی کیا نرالی شان ہے... ! !  یہی وہ مبارک مہینا ہے کہ جس میں انسانیت کی ہدایت کے لئے آخری آسمانی کتاب یعنی قرآنِ کریم نازِل ہوا؛ اللہ پاک فرماتا ہے :

شَهْرُ رَمَضَانَ الَّذِیْۤ اُنْزِلَ فِیْهِ الْقُرْاٰنُ هُدًى لِّلنَّاسِ وَ بَیِّنٰتٍ مِّنَ الْهُدٰى وَ الْفُرْقَانِۚ-فَمَنْ شَهِدَ مِنْكُمُ الشَّهْرَ فَلْیَصُمْهُؕ    ( پارہ : 2 ، سورۂ بقرہ : 185 )

تَرجَمہ کَنْزُ الْعِرْفان : رمضان کا مہینہ ہے جس میں قرآن نازل کیا گیا جو لوگوں کے لئے ہدایت اور رہنمائی ہے اور فیصلے کی روشن باتوں  ( پر مشتمل ہے۔ )  تو تم میں جو کوئی یہ مہینہ پائے تو ضرور اس کے روزے رکھے۔

پیارے اسلامی بھائیو ! ہم نے پارہ : 2 ، سورۂ بقرہ کی آیت نمبر 185 کا ایک حِصّہ سننے کی سَعَادَت حاصِل کی ،  اس آیتِ کریمہ میں رمضان المبارک کا ایک خصوصی تَعَارُف پیش کیا گیا کہ فرض روزوں کے لئے ایک مہینا مخصوص ہے اور وہ مبارک مہینا ماہِ رمضان ہے۔

بھائیو بہنو ! کرو سب نیکیوں پر نیکیاں                                             پڑ گئے دوزخ پہ تالے قید میں شیطان ہے ^{( [2] )}

جنّت میں پہلے جانے کا سبب

پیارے اسلامی بھائیو ! ماہِ رمضان پا لینا ، رمضان المبارک کی بابرکت ، مُقَدَّس ، مُنَوَّر