کر رمضانُ المبارک کا اِستقبال کر پائیں  ( 2 ) : ماہِ رمضان میں دِن کا روزہ اور رات کا قیام  ( مثلاً پُوری 20 رکعت تراویح ، تہجد اوردیگر نوافِل وغیرہ )  ہر گز نہ چھوڑیں  ( 3 ) : نفسِ اَمَّارہ کی خواہشات کو روکنے کی بھر پور کوشش کریں  ( 4 ) : ماہِ رمضان میں کچھ نہ کچھ ایسا وقت ضرور نکالیں کہ جس میں کوئی کام نہ ہو ، دِل دُنیوی خیالات سے بالکل صاف ہو اور ہم پُوری تَوَجُّہ کے ساتھ صِرْف و صِرْف ذِکْر و درود کریں  ( 5 ) : غریبوں ، فقیروں اور مسکینوں کا خیال رکھیں ، اللہ پاک نے وُسْعَت دی ہے تو دِل کھول کر غریبوں پر خرچ کریں  ( 6 ) : تقویٰ اپنانے یعنی روزے کے باطنی آداب کا لحاظ رکھنے اور گُنَاہوں سے بچنے کی بھر پُور کوشش کریں  ( 7 ) : رمضانُ المبارک کی ہر طرح کی بے ادبی سے بچتے رہیں  ( 8 ) : پانچوں نَمازیں باجماعت ادا کریں   ( 9 ) : خوب تِلاوت کریں  ( 10 ) : نعتیں پڑھیں  ( 11 ) : نیک  کام کرنے میں جلدی کریں  ( 12 ) : اور سب سے اَہَم بات؛ہم اپنا یہ ذہن بنا کر رکھیں کہ  ہو سکتا ہے یہ میری زندگی کا آخری رمضان ہو۔یہ چند طریقے اپنائیں گے تو اِنْ شَآءَ اللہ الْکَرِیْم ! ماہِ رمضان کی خوب برکتیں نصیب ہوں گی اور اللہ پاک نے چاہا تو مغفرت کی خیرات بھی مِل ہی جائے گی۔

یاخُدا  ماہِ رمضاں کے صدقے                                                                       سچی توبہ کی توفیق دیدے

نیک بن جاؤں  جی چاہتا ہے                                                                         یاخُدا تجھ سے میری دعا ہے !

آقا  صَلَّی اللہ عَلَیْہِ وَ آلِہٖ وَ سَلَّم کا رمضان

پیارے اسلامی بھائیو ! ہمارے آقا و مولیٰ ، مکی مدنی مصطفےٰ ، احمدِ مجتبیٰ  صَلَّی اللہ عَلَیْہِ وَ آلِہٖ وَ سَلَّم ماہِ رمضانُ المبارک سے بہت محبت فرمایا کرتے تھے ، آپ  صَلَّی اللہ عَلَیْہِ وَ آلِہٖ وَ سَلَّم کی زِندگی مبارک میں ماہِ رمضانُ المبارک کو ایک خاص اہمیت حاصِل تھی۔ ہمارے پیارے آقا ،