Book Name:Aqa Ki Ramzan Say Muhabbat
تیرا کیا جائے گا میں شاد مروں گا یارَبّ !
عفو کر اور سدا کے لئے راضی ہوجا !
گر کرم کر دے تو جنّت میں رہوں گا یارَبّ !
عُلَمائے کرام فرماتے ہیں : ماہِ رمضانُ الْمُبارک میں مغفرت کے اَسباب بڑھ جاتے ہیں * ماہِ رمضان کا روزہ رکھنا سامانِ مغفرت ہے * ماہِ رمضان میں قیام کرنا ( یعنی رات جاگ کر عبادت کرنا ) بھی مغفرت کا ذریعہ ہے * ماہِ رمضان کی شبِ قدر میں عِبَادت کرنا بھی مغفرت پانے کا ذریعہ ہے * ایسے ہی روزہ دار کو روزہ اِفطار کروانا * غُلام ( یا ملازم ) پر آسانی کرنا بھی مغفرت پانے کا ذریعہ ہے * رمضان المبارک میں ذِکْرُ اللہ کی کثرت کی جائے کہ حدیثِ پاک میں ہے : ماہِ رمضان میں ذِکْرُ اللہ کرنے والا بخشا ہوا ہے ( [1] ) * اسی طرح رمضانُ المبارک میں کَثْرت سے استغفار کرنے سے بھی بخشش کی خیرات ملتی ہے۔ جب بات ایسی ہے کہ اس ماہِ مُقَدَّس میں مغفرت و بخشش کے سب سامان جمع ہیں ، اس کے باوُجُود بھی اگر کوئی بخشش سے محروم رہ جائے ، اپنی مغفرت نہ کروا پائے تو یقیناً وہ بڑا محروم ہے۔ ( [2] )
ماہِ رمضان میں مغفرت کے اَسباب
اللہ پاک ہمیں اس محرومی سے محفوظ فرمائے۔ ہم ماہِ رمضان میں مغفرت کیسے کرواسکتے ہیں ؟ اس کے لئے ( 1 ) : سب سے پہلا کام تو یہ کرنا ہے کہ رمضانُ المبارک کی تشریف آوری سے پہلے پہلے ہم سچّی پکّی توبہ کر لیں تاکہ گُنَاہوں سے بالکل پاک صاف ہو