صَلُّوْا عَلَی الْحَبیب !                                                صَلَّی اللہ عَلٰی مُحَمَّد

 ( 3 ) : عِبَادت پر کمر باندھ لیا کرتے

پیارے اسلامی بھائیو ! مسلمانوں کی امی جان حضرت عائشہ صِدِّیقہ طیبہ طاہِرہ  رَضِیَ اللہ عنہا فرماتی ہیں : جب رمضانُ الْمُبارک تشریف لاتا تو پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم عِبَادت پر کمر باندھ لیا کرتے تھے۔ ^{( [1] )}

امام نَوَوِی رَحمۃُ اللہ علیہ فرماتے ہیں : عِبَادت پر کمر باندھ لینے کا معنیٰ یہ ہے کہ رسولِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم عام رُوٹین میں جتنی عِبَادت کرتے تھے ، رمضانُ الْمُبارک میں اس سے بڑھ کر عِبَادت فرمایا کرتے۔ ^{( [2] )}  

سُبْحٰنَ اللہ ! پیارے اسلامی بھائیو ! کیا شان ہے ہمارے آقا صَلَّی اللہ عَلَیْہِ وَ آلِہٖ وَ سَلَّم کی... ! !  کاش ! ہم بھی اپنے رحیم وکریم آقا ، مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی یہ حسِیْن ادا اپنائیں ، جیسے ہی رمضانُ الْمُبارک کی تشریف آوری ہو بَس عِبَادت پر کمر بستہ ہو جائیں ، پُورا ماہِ رمضان خُوب ڈَٹ کر عِبَادت کریں۔

عبادت میں ،  ریاضت میں ،  تلاوت میں   لگا دے دل

مہِ رمضان کے صدقے میں فرمادے کرم مولیٰ !

رمضان نیکیوں کا سِیْزَن ہے

اے عاشقانِ رسول ! ماہِ رمضان نیکیاں کرنے کا مہینا ہے مگر افسوس ! ہمارے ہاں