جنت میں داخِل کروا دیتی ہے۔^{( [1] )}    

اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے ! بیان سننے سے پہلے کچھ اچھی اچھی نیتیں کر لیتے ہیں ، نیت کیجئے ! مثلاً * رضائے الٰہی کے لئے بیان سُنوں گا * بااَدَب بیٹھوں گا * خوب تَوَجُّہ سے بیان سُنوں گا * جو سُنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

اے عاشقانِ رسول ! اَلْحَمْدُ للّٰہ ! ایک مرتبہ پھر ماہِ غُفْرَان ، ماہِ نُزولِ قرآن ، ربّ کے مہمان ، ماہِ رمضان المبارک کی آمد آمد ہے۔  کچھ ہی دِن بعد اعلان ہو گا : مبارک ہو ماہِ رمضان المبارک کا چاند نظر آ گیا ہے۔ یہ اعلان سنتے ہی * عاشقانِ رمضان کے دل خوشی سے جھوم اُٹھیں گے * چہروں پر تازگی  ( Freshness ) آ جائے گی * مسجدوں کی رونق بڑھ جائے گی * تراویح کا سلسلہ * فرض نمازیں * کوئی نوافل کی کثرت کر رہا ہو گا * کوئی  تلاوتِ قرآن کی سَعَادت پا رہا ہو گا * سحر و افطار کی رونقیں ہوں گی * روزانہ ( بعدِ عصر و بعدِ تراویح ) 2 مدنی مذاکروں کے ذریعے فیضانِ رمضان اور علمِ دین خوب عام ہو رہا ہو گا *  اور اِنْ شَآءَ اللہ الْکَرِیْم ! زندگی کا لُطْف  دوبالاہو رہا ہو گا۔

خُدا کی ہے عنایت ماہِ رمضان آنے والا ہے

ہوئی مولیٰ کی رحمت ، ماہِ رمضان آنے والا ہے

خُوشی سے جھومتا ہے دِل ، مچی ہے قلب میں ہلچل