اللہ ! اللہ ! معلوم ہوا؛ باوُضُو رہنے کی برکت سے مصیبتوں سے حفاظت ہوتی ہے۔ کاش ! ہم ہمیشہ باوُضُو رہنے والے بن جائیں۔

ہمیشہ باوُضُو رہنا اسلام کی سُنّت ہے

پیارے اسلامی بھائیو ! باوُضُو رہنا مستحب  ( یعنی ثواب کا کام ہے ) ۔ فتاویٰ رضویہ میں ہے : ہمیشہ باوُضُو رہنا اسلام کی سُنَّت ہے۔ ^{( [1] )}  

باوُضو رہنے کے 7 دِینی فوائد

امامِ اہلسنت ، شاہ امام احمد رضا خان رحمۃُ اللہ علیہ فرماتے ہیں : بعض عارِفین  (  رحمۃُ اللہ علیہم ) نے فرمایا : جو ہمیشہ باوُضو رہے اللہ پاک اُس کو 7فضیلتوں  سے مُشرّف فرمائے گا  ( 1 ) : ملائکہ اس کی صحبت میں  رَغبت کریں   ( 2 ) : قَلم اُس کی نیکیاں  لکھتا رہے ( 3 ) : اُس کے اَعضا تسبیح کریں   ( 4 ) : اُس سے تکبیرِ اُولیٰ فوت نہ ہو  ( 5 ) : جب سوئے اللہ پاک  کچھ فرشتے بھیجے کہ جِنّ و انس کے شَر سے اُس کی حِفاظت کریں   ( 6 ) : موت کی سختیاں اس پر آسان ہوں ( 7 ) : جب تک باوُضو ہو امانِ الٰہی میں  رہے ۔ ^{( [2] )}

دے شوقِ تلاوت دے ذَوقِ عبادت    رہوں  باوضو  میں  سدا  یاالٰہی ^{( [3] )}

باوُضُو رہنے کے دُنیوی فائدے

اے عاشقانِ رسول ! باوُضُو رہنے کے جہاں دینی فائدے ہیں ، اس کے ساتھ ساتھ بہت سارے دُنیوی فائدے بھی ہیں  مثلاً * باوُضُو رہنے کی برکت سے بہت ساری