وُضُو کے 4 ہی فرائض کیوں ؟

پیارے اسلامی بھائیو ! وُضُو کے 4 فرائض ہیں؛ ( 1 ) : کہنیوں سمیت ہاتھ دھونا  ( 2 ) : چہرہ دھونا ( 3 ) : چوتھائی سَر کا مسح کرنا ( 4 ) : اورٹخنوں سمیت پاؤں دھونا۔ وُضُو میں یہ 4  ہی فرائض کیوں رکھے گئے ؟ امام غزالی رحمۃُ اللہ علیہ اس کی ایک حکمت بیان کرتے ہوئے فرماتے ہیں : روزِ قیامت  ( بنیادی )  عذاب 4 ہی ہیں :  ( 1 ) : چہرہ سیاہ ہو جانا ، اللہ پاک فرماتا ہے :

یَّوْمَ  تَبْیَضُّ   وُجُوْهٌ  وَّ  تَسْوَدُّ  وُجُوْهٌۚ     ( پارہ : 4 ، سورۂ آلِ عمران : 106 )

ترجمہ کَنْزُ الایمان : جس دن کچھ منہ اونجالے  ( چمکتے )  ہوں گے اور کچھ منہ کالے۔

 ( 2 ) : اَعْمَال نامہ اُلٹے ہاتھ میں ملنا ، اللہ پاک فرماتا ہے :

وَ اَمَّا مَنْ اُوْتِیَ كِتٰبَهٗ بِشِمَالِهٖ ﳔ فَیَقُوْلُ یٰلَیْتَنِیْ لَمْ اُوْتَ كِتٰبِیَهْۚ(۲۵)     ( پارہ : 29 ، سورۂ الحاقۃ : 25 )

ترجمہ کَنْزُ الایمان : اور وہ جو اپنے نامۂ اعمال بائیں ہاتھ میں دیا جائے گا کہے گا ہائے کسی طرح مجھے اپنا نَوِشْتَہ ( نامۂ اعمال )  نہ دیا جاتا۔

 ( 3-4 ) : سَراورپاؤں سے پکڑ کر جہنّم میں ڈال دیاجانا ، سورۂ رحمٰن میں ہے :

یُعْرَفُ الْمُجْرِمُوْنَ بِسِیْمٰىهُمْ فَیُؤْخَذُ بِالنَّوَاصِیْ وَ الْاَقْدَامِۚ(۴۱)     ( پارہ : 27 ، سورۂ رحمٰن : 41 )

ترجمہ کَنْزُ الایمان : مجرم اپنے چہرے سے پہچانے جائیں گے تو ماتھا اور پاؤں پکڑ کر جہنم میں ڈالے جائیں گے ۔

گویا اللہ پاک فرماتا ہے : اے میرے بندو ! وُضُو میں چہرہ دھویاکرو تاکہ روزِ قیامت