نہیں مگر اللہ ، وہ باقی رہے گا ، ہر چیز فنا ہو جائے گی )   اسے غم  اور پریشانی سے محفوظ رکھا جائے گا۔ ^{( [1] )}  

اللہ پاک ہمیں کلمۂ طیبہ کی کثرت کرنے ، زبان کو ذِکْر و درود سے تر رکھنے کی توفیق عطا فرمائے۔

اٰمِیْن بِجَاہِ خَاتَمِ النَّبِیّٖنَ  صلی اللہ عَلَیْہِ وَ آلِہٖ وَسَلَّم ۔

نزع کے وقت کلمہ  طیبہ کی تلقین کرو !

تاجدارِ رِسالت ، شہنشاہِ نُبوت کا فرمانِ عالیشان ہے : لَقِّنُوْا مَوْتَاكُمْ لَا اِلٰهَ اِلَّا اللہ  اپنے مُردوں کو  لَا اِلٰہَ اِلَّا اللہ کی تلقین کرو۔ ^{( [2] )} یعنی جومرنے کے قریب ہو اسے کلمہ سکھاؤ اس طرح کہ اس کے پاس بلند آواز سے کلمہ پڑھو۔ ^{( [3] )}  

کلمہ کی تلقین کا طریقہ

صدر الشریعہ مفتی محمد امجد علی اعظمی  رَحمۃُ اللہ علیہ بہارِ  شریعت میں لکھتے ہیں : جانکنی  ( یعنی نزع ) کی حَالت میں جب تک روح گلے کو نہ آئی (  ہو )  مرنے والے کو تلقین کریں یعنی اس کے پاس بلند آواز سے اَشْھَدُ اَنْ لَّآاِلٰہَ اِلاَّ اللہ وَاَشْھَدُ اَنَّ مُحَمَّداً رَّسُوْلُ اللہ پڑھیں مگراسے (  یعنی مرنے والے کو )  اس کے کہنے کا حکم نہ کریں۔جب اس  ( یعنی مرنے والے ) نے کلمہ پڑھ لیا تو تلقین موقوف کر دیں۔ہاں اگر کلمہ پڑھنے کے بعد ا س نے کوئی بات کی تو پھر تلقین کریں کہ اس کا آخر کلام لَا اِلٰہَ اِلَّاا للہُ مُحَمَّدٌ رَّسُوْلُ اﷲ ہو۔ ^{( [4] )}