تو ہم سب تمہاری بات مانیں گے ، اگر تم جواب نہ دے پائے تو ہم تجھے یہیں قتل کر دیں گے۔

حضرت بایزید بَسْطامی  رَحمۃُ اللہ علیہ بہت بڑے ولیُ اللہ تھے ، بہت بڑے عالِمِ دِین بھی تھے ، آپ نے فرمایا : جو چاہتے ہو پوچھو ! میں جواب دُوں گا۔اب اس غیر مسلم عالِم نے آپ سے 61 سوالات پوچھے ، حضرت بایزید بَسْطامی رَحمۃُ اللہ علیہ نے وہیں کھڑے کھڑے 61 کے 61 سوالات کے ٹھیک ٹھیک جواب ارشاد فرما دئیے۔ سب سوالوں کے جواب دینے کے بعد آپ نے فرمایا : اب تم میرے ایک سوال کا جواب دو !  یہ بتاؤ ! آسمانوں اور جنّت کی چابی کیا ہے ؟ غیر مسلموں کا  بڑا عالِم بولا : آسمانوں اور جنّت کی چابی کلمۂ  طَیّبہ لَا اِلٰہَ اِلَّاا للہُ مُحَمَّدٌ رَّسُوْلُ اﷲ ہے۔بس ! اپنے سب سے بڑے عالِم کی زبانی یہ سننا تھا کہ وہاں جتنے غیر مسلم موجود تھے ، سب کے سب کلمہ پڑھ کر مسلمان ہو گئے ، اپنی جس عِبَادت گاہ میں وہ جمع تھے ، اسے بھی مسجد میں تبدیل کر دیا۔ ^{( [1] )}

کلمہ  طیبہ کے تقاضے پُورے کرنا بھی ضروری ہے

سُبْحٰنَ اللہ ! پیارے اسلامی بھائیو ! کلمۂ طیبہ کتنا  عظیم کلمہ ہے ، یہ پاکیزہ کلمہ جنّت کے دروازے اور جنّت کے تمام درجات کی چابی ہے۔اللہ پاک ہمیں اس پاکیزہ کلمے پر استقامت نصیب فرمائے۔یہ بات خوب اچھی طرح یاد رہے کہ جنّت میں جانے کے لئے صِرْف کلمۂ طیبہ پڑھ لینا کافِی نہیں ، اس کے تقاضے پُورے کرنا بھی ضروری ہے ، چنانچہ  حضرت زید بن اَرْقَم رَضِیَ اللہ عنہ سے رِوَایَت ہے ، رسولِ ذیشان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم نے فرمایا : جس نے اِخْلاص کے ساتھ لَا اِلٰہَ اِلَّا للہُ کہا ، وہ جنّت میں داخِل ہو گا۔ صحابۂ