آپ نے مسکرانے کا سبب پوچھا تو بولا : میں نے ابھی دیکھا میری ماں کو فرشتے جنت کی طرف لئے جا رہے ہیں۔ شیخ اِبنِ عربی رَحمۃُ اللہ علیہ فرماتے ہیں : اس حدیث کی تصدیق مجھے اس لڑکے کے کشف سے ہوئی اور اس کے کشف کی تصدیق اس حدیث سے ہو گئی۔ ^{( [1] )}  

اللہ پاک ہمیں بھی کلمۂ طیبہ پڑھنے ، دِل سے اس پر ایمان رکھنے ، اس پر ثابت قدم رہنے  اور پڑھ پڑھ کر اپنے فوت شدگان کو بخشتے رہنے کی توفیق عطا فرمائے۔اٰمِیْن بِجَاہِ خَاتَمِ النَّبِیّٖنَ  صلی اللہ عَلَیْہِ وَ آلِہٖ وَسَلَّم ۔

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

12 دینی کاموں میں سے ایک کام : فجر کے لئے جگانا

پیارے اسلامی بھائیو ! نیک نمازی بننے کے لئے  عاشقانِ رسول کی دینی تحریک دعوتِ اسلامی کے 12 دینی کاموں میں عملاً حِصّہ لیجئے ! دعوتِ اسلامی کے 12 دینی کاموں میں ایک کام ہے : فجر کے لئے جگانا ۔یاد رہے ! نمازِ فجر کے لئے لوگوں کو جگانا آخری نبی ، نبئ اُمِّی صلی اللہ عَلَیْہِ وَ آلِہٖ وَسَلَّم کی سُنَّت ہے۔ الحمد للہ ! دعوتِ اسلامی سے وابستہ عاشقانِ رسول سرکارِ عالی وقار مدینے کے تاجدار صلی اللہ عَلَیْہِ وَ آلِہٖ وَسَلَّم کی سُنَّت پرعمل کے جذبے کے تحت صبح فجر کی نماز سے پہلے گلی گلی جا کر بلند آواز سے درود وسلام پڑھتے اور لوگوں کو بستر چھوڑ کر نمازِ فجر کے لئے چل پڑنے کی دعوت دیتے ہیں۔ آپ بھی اس دینی کام میں حِصَّہ لیجئے ، صبح جلدی اُٹھئے ، اللہ پاک نصیب کرے تو نمازِ تہجد ادا کیجئے ، ذِکْر ودرود کیجئے ، اذانِ فجر کے بعد مدنی مرکز کے دئیے ہوئے طریقہ کار کے مطابق لوگوں کو نمازِ فجر کے لئے جگائیے ، اس عَمَل کی برکت سے اِنْ