اور سیدی اعلیٰ حضرت  رَحمۃُ اللہ علیہ نے بھی کیا خُوب کہا :

قسمت میں لاکھ پیچ ہوں ، سَو  بَل ، ہزار       کَج   یہ ساری گتھی اِک تری سیدھی نظر کی ہے ^{( [1] )}

سُبْحٰنَ اللہ ! پیارے اسلامی بھائیو ! درودِ پاک انمول نعمت ہے ، اس کی برکت سے مشکلیں حل ہوتی ہیں ، تنگ دستی خوشحالی میں بدلتی ہے ، گُنَاہ دُھلتے ہیں ، رحمتیں چھماچھم برستی ہیں اور ایک اَہَم ترین فائدہ یہ کہ درودِ پاک پڑھنے والے کا درود سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَ سَلَّم کی بارگاہِ عالی شان میں پہنچتا ہے اور مالِک و مختار نبی ، رسولِ ہاشمی  صَلَّی اللہ عَلَیْہِ وَ آلِہٖ وَ سَلَّم کی نَظْرِ عنایت بھی نصیب ہوتی ہے۔

اللہ پاک ہمیں کثرت سے درودِ پاک پڑھنے کی توفیق عنایت فرمائے اور کاش ! کاش ! صد کروڑ کاش ! کہ درودِ پاک کی برکت سے ہمیں محبوبِ خُدا ، سردارِ انبیا  صَلَّی اللہ عَلَیْہِ وَ آلِہٖ وَ سَلَّم کی نظرِ کرم نصیب ہو جائے تو اِنْ شَآءَ اللہ الْکَرِیْم ! دو جہاں میں بیڑا پار ہو جائے۔

پڑ گئی جس پہ محشر میں بخشاگیا                                                                         دیکھا جس سمت ابرِ کرم چھا گیا

رُخ جدھر ہو گیا ، زندگی پاگیا                                                                           جس طرف اُٹھ گئی ، دَم میں دَم آگیا

اُس نگاہِ عنایت پہ لاکھوں سلام

صَلُّوا عَلَی الْحَبیب !                                                صَلَّی اللہ عَلٰی مُحَمَّد

بیان سننے کی نیتیں

حدیثِ پاک میں ہے : اَلنِّیَّۃُ الْحَسَنَۃُ تُدْخِلُ صَاحِبَہَا الْجَنّۃَ  اچھی نیت بندے کو جنت میں داخِل کروا دیتی ہے۔ ^{( [2] )}  اے عاشقانِ رسول ! اچھی اچھی نیتوں سے عمل کا ثواب بڑھ