نے خُود دیکھا ، آپ صَلَّی اللہ عَلَیْہِ وَ آلِہٖ وَ سَلَّم نے دُعا کے لئے ہاتھ اُٹھائے اور اتنے بلند کئے کہ سَر مبارک سے اُوپَر ہو گئے ، پھر آپ صَلَّی اللہ عَلَیْہِ وَ آلِہٖ وَ سَلَّم نے  حضرت عثمانِ غنی رضی اللہ عنہ کے لئے ایسی دُعا فرمائی کہ آپ کو ایسی دُعا  کبھی کسی کے لئے کرتے نہیں دیکھا۔ ^{( [1] )}   

ایک روایت میں ہے : آپ صَلَّی اللہ عَلَیْہِ وَ آلِہٖ وَ سَلَّم نے دعا کی : اے اللہ پاک ! میں عثمان سے راضی ہوں تُو بھی اس  سے راضی ہوجا۔ ^{( [2] )}  

حضرت ابو سعید خدری رضی اللہ عنہ فرماتے ہیں : میں نے پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَسَلَّم کو دیکھا ! آپ صَلَّی  اللہ عَلَیْہِ وَ آلِہٖ وَسَلَّم  رات بھر حضرت عثمانِ غنی رضی اللہ عنہ کے لئے یہ دُعا کرتے رہے : اے اللہ  پاک ! میں عثمان سے راضی ہوا تُو بھی اس سے راضی ہو جا۔ ^{( [3] )}

اللہ سے کیا پیار ہے عثمانِ غنی کا          محبوبِ خُدا یار ہے عثمانِ غنی کا

گرمی پہ یہ بازار ہے عثمانِ غنی کا                                                    اللہ  خریدار  ہے  عثمانِ  غنی  کا ^{( [4] )}

عثمانِ غنی رضی اللہ عنہ کی خوش بختی

اے عاشقانِ رسول !  حضرت عثمانِ غنی رضی اللہ عنہ کی خوش بختی دیکھئے ! قابِلِ رشک بات ہے ، پیارے رسول ، رسولِ مقبول صَلَّی اللہ عَلَیْہِ وَ آلِہٖ وَسَلَّم  نے ساری رات آپ کے لئے دُعا فرمائی : یااللہ ! میں عثمان سے راضی ہوں ، تُو بھی اس سے راضی ہو جا۔