پاک کے پیارے نبی ، مُحَمَّدِعربی صَلَّی اللہ عَلَیْہِ وَ آلِہٖ وَسَلَّم  ہم سے راضی ہو جائیں گے ، اگر رسولِ اکرم صَلَّی اللہ عَلَیْہِ وَ آلِہٖ وَسَلَّم  راضی ہو گئے تو  اِنْ شَآءَ اللہ الْکَرِیْم !   اللہ پاک بھی راضی ہو جائے گا۔   

کام وہ لے لیجئے ! تم کو جو راضی کرے    ٹھیک ہو نامِ رضا تم پہ کروڑوں درود ^{( [1] )}

حضرت عثمانِ غنی رضی اللہ عنہ  کا مختصر تعارف

اے عاشقانِ رسول ! * حضرت عثمانِ غنی رضی اللہ عنہ صحابئ رسول ہیں * سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَسَلَّم  کی پھوپھی جان حضرت اُمِّ حکیم  رضی اللہ عنہ ا کے نواسے ( Grand Son )  ہیں یا یُوں کہہ لیجئے کہ ذرا دُور کے رشتے سے مالِکِ جنّت ، قاسِمِ نعمت صَلَّی اللہ عَلَیْہِ وَ آلِہٖ وَسَلَّم  کے بھانجےلگتے ہیں * سابقینِ اَوَّلِیْن میں سے ہیں یعنی ابتداء ہی میں اسلام قبول کر کے دائرۂ اسلام میں داخِل ہو گئے تھے ، اسلام قبول کرنے میں آپ کا چوتھا یا پانچواں نمبر ہے * عَشْرَہ مُبَشَّرَہ  ( یعنی زبانِ مصطفےٰ صَلَّی اللہ عَلَیْہِ وَ آلِہٖ وَسَلَّم  سے جنّت کی بشارت پانے والے 10 صحابہ کرام علیہم الرِّضْوَان )  میں سے ہیں * سرکارِ اعظم ، رسولِ اکرم صَلَّی اللہ عَلَیْہِ وَ آلِہٖ وَسَلَّم  حضرت عثمانِ غنی رضی اللہ عنہ سے اتنی محبت فرماتے تھے کہ آپ نے ایک ، ایک کر کے اپنی 2 شہزادیاں حضرت عثمان غنی رضی اللہ عنہ کے نِکاح میں دیں۔ ^{( [2] )}   اعلیٰ حضرت ، امامِ اہلسنت رحمۃُ اللہ علیہ اسی طرف اشارہ کرتے ہوئے فرماتے ہیں :

نُور کی سرکار سے پایا دوشالہ نُور کا          ہو مُبَارک تُم کو ذُو النُّوْرَیْن جوڑا نُور کا ^{( [3] )}