ہر صحابئ نبی... ! !  جنتی ! جنتی !

اے عاشقانِ رسول ! الحمد للہ !   اللہ پاک کے فضل و کرم سے ہمارے محبوب آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم   کا ہر صحابی ہی جنّتی ہے۔ اللہ پاک قرآنِ کریم میں فرماتا ہے :

وَ كُلًّا وَّعَدَ اللّٰهُ الْحُسْنٰىؕ   ( پارہ : 27 ، سورۂ حدید : 10 )

ترجمہ کَنْزُ الایمان : اور ان سب سے اللہ جنت کا وعدہ فرماچکا۔

اس آیتِ کریمہ میں فرمایا کہ سب صحابۂ کرام علیہم الرِّضْوَان کے ساتھ اللہ پاک نے حُسْنٰی کا وعدہ فرما لیا ہے ، اب جس سے حُسْنٰی کا وعدہ فرما لیا جائے ، اس کی شان کیا ہوتی ہے ؟ یہ بھی قرآنِ کریم ہی سے سُن لیجئے ! اللہ پاک فرماتا ہے :

اِنَّ الَّذِیْنَ سَبَقَتْ لَهُمْ مِّنَّا الْحُسْنٰۤىۙ-اُولٰٓىٕكَ عَنْهَا مُبْعَدُوْنَۙ(۱۰۱) لَا یَسْمَعُوْنَ حَسِیْسَهَاۚ-وَ هُمْ فِیْ مَا اشْتَهَتْ اَنْفُسُهُمْ خٰلِدُوْنَۚ(۱۰۲) لَا یَحْزُنُهُمُ الْفَزَعُ الْاَكْبَرُ وَ تَتَلَقّٰىهُمُ الْمَلٰٓىٕكَةُؕ-هٰذَا یَوْمُكُمُ الَّذِیْ كُنْتُمْ تُوْعَدُوْنَ(۱۰۳)   ( پارہ : 17 ، سورۂ انبیاء : 101-103 )

ترجمہ کَنْزُ العرفان : بیشک جن کے لیے ہمارا بھلائی کا وعدہ پہلے سے ہو چکا  ہے وہ جہنم سے دُور رکھے جائیں گے۔ وہ اس کی ہلکی سی آواز بھی نہ سنیں گے اور وہ اپنی دل پسند نعمتوں میں ہمیشہ رہیں گے انہیں سب سے بڑی گھبراہٹ غمگین نہ کرے گی۔ اور فرشتے ان کا استقبال کریں گے کہ یہ تمہارا وہ دن ہے جس کا تم سے وعدہ کیا جاتا تھا۔

اس آیتِ کریمہ میں بتایا گیا کہ جن سے اللہ پاک نے حُسْنٰی کا وعدہ فرما لیا ہے ، ان کو 5  فضیلتیں عطا ہوں گی :  ( 1 ) : وہ جہنّم سے دُور رکھے جائیں گے  ( 2 ) : وہ جہنّم کی بھنک  ( یعنی ہلکی سی آواز )  بھی  نہ سنیں گے  ( 3 ) : وہ اپنی من مانتی مرادوں میں ہمیشہ رہیں گے  ( 4 ) : قیامت کی