گا اور 10 درجات  ( Ranks ) بھی بلند فرمائے گا۔ ^{( [1] )}   

مومنو ! پڑھتے نہیں کیوں اپنے آقا پر درود           ہے فرشتوں کا وظیفہ اَلصَّلٰوۃُ وَالسَّلَام  ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

بیان سننے کی نیتیں

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت اَفْضَل عَمَل ہے۔ ^{( [3] )}

اے عاشقانِ رسول ! سچی نیت بخشش کا ذریعہ ہے۔ بیان سننے سے پہلے بھی اچھی اچھی نیتیں کر لیجئے ! مثلاًنیت کیجئے ! * اللہ پاک کی رضا کے لئے بیان سُنوں گا * عِلْم دِین سیکھوں گا * بااَدب بیٹھوں گا * ذِکْرِ اَہْلِ بیت کی برکتیں لُوٹوں گا * بیان سُن کر ، سمجھ کر اس پر عمل کرنے کوشش کروں گا۔

اچّھی اچّھی نیّتوں کا ، ہو خدا جذبہ عطا                                                                بندۂ مخلص بنا ، کر عَفْو میری ہر خطا

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

محبّتِ صِدِّیق و فارُوق کی برکات

حضرت یحیٰ بن اسماعیل رَحمۃُ اللہ عَلَیْہ فرماتے ہیں : میری ایک بڑی بہن تھیں ، وہ بیمار ہوئیں اور اُن کا ذہنی توازُن  ( Mental Balance )  جاتا رہا۔ کم و بیش 10 سال سے زیادہ عرصہ وہ اس آزمائش میں مبتلا رہیں ، گھر کی چھت پر ایک کمرہ تھا ، وہ اسی میں رہتی تھیں۔ ایک رات یوں ہواکہ میں اپنے کمرے میں سو رہا تھا ، اچانک کسی نے دروازے پر دستک