آنکھوں کو * اپنے کانوں کو * اپنے اَعضاء کو کار آمد ( Useful )  بناؤ ! اور یہ اس طرح ہو گا کہ * دِل میں اللہ پاک کی یاد بساؤ ! * اس کے پیارے پیارے ، اچھے اچھے ، عزّت والے ، عظمت والے ناموں کو سمجھو ! * کانوں سے ان ناموں کو سُنو * ان ناموں سے اللہ پاک کو پُکارو ! * ان ناموں سے اللہ پاک کا ذِکْر کرو ! اس کی برکت سے تمہارے اَعْضَاء بےکار  ( Useless ) نہیں رہیں گے بلکہ کارآمد ہو جائیں گے۔ ^{( [1] )}

کاش لب پر مرے رہے جاری                                                         ذِکْر آٹھوں پہر ترا یَارَبّ !

چشمِ تَر اَور قلبِ مضطر دے                                                                               اپنی الفت کی مَے پِلا یَارَبّ !

نفس و شیطان ہو گئے غالِب                                                                          ان  کے  چنگل  سے  تُو  چھڑا  یَارَبّ !  ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

 ( 6 ) : فاروقِ اعظم خوفِ خدا کی باتیں   سنتے

مسلمانوں کے دوسرے خلیفہ حضرت عمر فاروقِ اعظم رَضِیَ اللہ عنہ کا ایک پیارا وَصْف یہ بھی ہے کہ آپ بہت خوفِ خُدا والے تھے * خوفِ خُدا سے رونا * آنسو بہانا * خوفِ خُدا کے سبب گُنَاہوں سے بچتے رہنا * نیک کام کرتے رہنا * خوفِ خُدا کے سبب بندوں کے حقوق پُورے کرنا * خوفِ خُدا کے سبب اپنے اَعْمال کا جائزہ لیتے رہنا آپ کے معمولات کا حِصَّہ تھا * اور ایک خاص بات کہ آپ دِل میں خوفِ خُدا بڑھانے کے لئے خوفِ خُدا والی باتیں سنتے رہتے تھے۔چنانچہ ایک مرتبہ آپ نے حضرت کعبُ الْاَحْبار رَضِیَ اللہ عنہ کو فرمایا : اے کعب ! ہمیں ڈر والی باتیں سناؤ ! اس پر حضرت کعب رَضِیَ اللہ عنہ نے