سکتا ہے کہ نہیں ؟ اب سنیئے ! عاشِقِ آخری نبی ، سیدی اعلیٰ حضرت رَحمۃُ اللہ علیہ کا جواب... ! !  آپ کے ارشادات کا خُلاصہ ہے ، فرمایا : وہ مُحَمَّد صَلَّی اللہ عَلَیْہِ وَ آلِہٖ وَ سَلَّم جو اللہ پاک کے رسول ہیں ، اَوَّل بھی ہیں ، آخِر بھی ہیں ، ظَاہِر بھی ہیں ، بَاطِن بھی ہیں ، نبیوں کے سردار بھی ہیں ، مالِک و مختار بھی ہیں ، اللہ پاک نے جنہیں رَحْمَۃٌ لِّلْعَالَمِیْن بھی بنایا اور خَاتَمُ النَّبِیّٖن کا تاج بھی اُن کے سَر پر سجایا ، ان کے جیسا دُنیا میں کوئی دُوسرا نہیں ہو سکتا ، جس طرح دُوسرا خُدا ہونا ناممکن ومحال ہے ، ایسے ہی دوسرا مصطفےٰ ہونا بھی ناممکن  و محال ہے۔  ^{( [1] )}

رُخِ مصطفےٰ ہے وہ آئینہ کہ اب ایسا دُوسرا آئینہ

نہ کسی کی بزمِ خیال میں ، نہ دُکانِ آئینہ دار میں

وضاحت : یعنی مُحَمَّدِ مصطفےٰ صَلَّی اللہ عَلَیْہِ وَ آلِہٖ وَ سَلَّم وہ عظیمُ الشَّان ، بےمثل و بےمثال ہستی ہیں کہ ان جیسا دُوسرا نہ کسی کے تَصَوُّر اور خیال میں ہے اور نہ اللہ پاک ہی نے ایسا کوئی دُوسرا بنایا ہے ، نہ کبھی بنائے گا۔

سیدی اعلیٰ حضرت رَحمۃُ اللہ علیہ لکھتے ہیں :

نہ غَیرِ کِبرِیا جان آفرِیْنے

نہ       خود       مثلِ       تُو       جاناں       آَفْرِیْدَنْد ^{( [2] )}

ترجمہ : یا رسول اللہ صلی اللہ عَلَیْہِ وَ آلِہٖ وَسَلَّم ! اے جانِ جاناں ! اللہ پاک کے سوا کوئی بھی جان پیدا نہیں کر سکتا اور اللہ پاک وہ ہے کہ اس نے آپ کے جیسا کوئی پیدا کیا ہی نہیں ہے۔ 

اے عاشقانِ آخری نبی ! یہ تَو اعلیٰ حضرت  رَحمۃُ اللہ علیہ کا جواب تھا ، اعلیٰ حضرت  رَحمۃُ اللہ علیہ