نامِ مُحَمَّد کی برکتیں

پیارے اسلامی بھائیو !  رسولِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم کا پیارا پیارا نام مُحَمَّد انتہائی خوبصورت ہونے کے ساتھ ساتھ بہت ہی بابرکت بھی ہے ، اس نامِ پاک کی برکت سے دُنیا اور آخرت میں بھلائیاں ملتی ہیں ، ہدایت نصیب ہوتی ہے ، مشکلات ( Difficulties )  ٹلتی  اور بگڑی بن جاتی ہے۔

ہر اِک کا سہارا نامِ مُحَمَّد

مَوَاهبُ اللَّدُنْیَۃ میں ہے :  اللہ پاک نے جب عرشِ اعظم کو تخلیق فرمایاتو عرش پر اللہ پاک کے جلال کی وجہ سے ہیبت طاری تھی ، عرش کانپ رہا تھا ، پھر اس پر لَااِلٰہَ اِلَّا اللہ لکھاگیا ، اس سے عرش کی ہیبت مزیدبڑھ گئی ، مزید کپکپی ( Trembling )  طاری ہو گئی ، اب اس پر مُحَمَّدٌرَّسُوْلُ اللہ لکھاگیا ، رحمتِ کُل جہان ، محبوبِ رحمٰن صَلَّی اللہ عَلَیْہِ وَ آلِہٖ وَ سَلَّم کے نامِ پاک کی برکت تھی کہ عرشِ اعظم کی وہ ہیبت والی کیفیت دُور ہو گئی ، عرشِ اعظم کوراحت مل گئی۔ ^{( [1] )}  

غم کی گھٹائیں چھائی ہیں سر پر                    کر دے اشارہ نامِ مُحَمَّد

رنج و الم میں ہیں نام لیوا                          کر دے اشارہ نامِ مُحَمَّد

بیڑا تباہی میں آ گیا ہے                            دیدے سہارا نامِ مُحَمَّد

زخمی جگر پر مجروح دِل پر                          مرہم لگا جا نامِ مُحَمَّد ^{( [2] )}

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد