دُور ہو جاتی )  ۔ جب اس عورت کا انتقال ہوا تو کسی رشتے دار ( Relative )  نے اسے خواب میں دیکھ کر پوچھا :  آپ نے قبر میں سُوال کرنے والے 2 فرشتوں مُنْکَر نَکِیْر کو دیکھا ؟ اس نے جواب دیا :  ہاں !  وہ میرے پاس آئے تھے۔ انہیں دیکھ کر میں نے اپنی عادَت کے مُطَابق دونوں ہاتھ اپنے چہرے پر رکھ کر کہا :  مُحَمَّد  صَلَّی اللہ عَلَیْہِ وَ آلِہٖ وَ سَلَّم ۔ جب میں نے چہرے سے ہاتھ ہٹائے تو دونوں فرشتے جا چکے تھے۔  ^{( [1] )}

گنہگاروں کی اس سے مشکلیں آسان ہوتی ہیں

نہ کیونکر سب سے بڑھ کر نام ہو پیارا مُحَمَّد کا

صَلُّوْا عَلَی الْحَبِیْبِ !                                                صَلَّی اللہ عَلٰی مُحَمَّد

اچھی عادتیں اپنانے کی ترغیب

پیارے اسلامی بھائیو !  اس ایمان افروز واقعے میں جہاں ہمارے آقا ومولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے پیارے پیارے نام مُحَمَّد صَلَّی اللہ عَلَیْہِ وَ آلِہٖ وَ سَلَّم کی برکات کا ذِکْر ہے ، ساتھ ہی اس سے یہ بھی سیکھنے کو مل رہا ہے کہ ہمیں چاہئے دُنیا میں اچھی عادات ( Good Habits )  اپنائیں ، اِنْ شَآءَ اللہ الْکَرِیْم !  یہ اچھی عادتیں قبر و حشر میں نجات کا ذریعہ بن جائیں گی۔ مثلاً * سُنّتِ مصطفےٰ پر عَمَل کرتے ہوئے ہر چیز سیدھے ہاتھ سے لینے اور دینے کی عادَت اپنائیں ، اِنْ شَآءَ اللہ الْکَرِیْم !  روزِ قیامت جب اَعْمال نامہ دِیا جائے گا تو سیدھا ہی ہاتھ آگے بڑھے گا اور جسے سیدھے ہاتھ میں اَعْمَال نامہ مل گیا ، وہ جنّت میں جائے گا * اسی طرح دُنیا میں مشکل وپریشانی کے وقت اَوْل فَوْل بولنے کی بجائے اچھے جملے مُنہ سے نکالنے کی عادَت بنائیں ، مثلاً کوئی مشکل آئے ، پریشانی آئے تو اِنَّا لِلّٰہِ وَ اِنَّا