اِلَیْہِ رَاجِعُوْن پڑھنے کی عادَت بنائیے ، حَسْبِیَ اللہ  ( مجھے اللہ پاک کافی ہے )  کہئے !  یَارَسُوْلَ اللہ !  مدد... ! ! کہئے ، یُوں اچھے اچھے جملے کہنے کی عادَت بنائیں گے تو جب قبر و حشر کی گھبراہٹ کا سامنا ہو گا ، اِنْ شَآءَ اللہ الْکَرِیْم !  عادَت کے مُطَابق زبان سے یہی جملے نکلیں گے اور اللہ پاک نے چاہا تو مشکل آسان ہو جائے گی۔

مُحَمَّد کا لطف و عطا اللہ !  اللہ !                    مری رُوح و دِل پر ہُوا اللہ !  اللہ !

مُحَمَّد مُحَمَّد وظیفہ ہے میرا                                                                                     مُحَمَّد کی ہر دَم نِدا اللہ !  اللہ !

صَلُّوْا عَلَی الْحَبِیْبِ !                                                صَلَّی اللہ عَلٰی مُحَمَّد

پیارے ناموں کی گنتی ممکن نہیں

اے عاشقانِ رسول ! ہمارے آقا و مولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی بلند شانوں میں ایک شان یہ بھی ہے کہ آپ کے نام بہت زیادہ ہیں ، پیارے آقا کی پیاری سیرت پر لکھی گئی کتاب مواہِبُ اللَّدُنیہ میں آپ صَلَّی اللہ عَلَیْہِ وَ آلِہٖ وَ سَلَّم کے 800 نام مبارک لکھے ہیں۔سیدی اعلیٰ حضرت    رحمۃُ اللہ عَلَیْہ   فرماتے ہیں :  میں نے جب تحقیق ( Research )  کی تو 1400 نام مِلے ، مزید فرماتے ہیں :   ( یہ تو وہ ہیں جو میرے عِلْم میں آ گئے ، ورنہ )  آپ صَلَّی اللہ عَلَیْہِ وَ آلِہٖ وَ سَلَّم کے مبارک ناموں کی گنتی ( Counting )  ناممکن ہے۔ ^{( [1] )}  

مختلف مقامات پر مختلف نام

ہمارے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم چونکہ تمام مخلوق کے نبی ہیں ، اس لئے ہر مخلوق میں ہر جگہ آپ کے پیارے پیارے مبارک ناموں کی دُھوم ہے۔ تابعی بزرگ حضرت کعبُ الْاَحبار رَضِیَ اللہ عنہ فرماتے ہیں :  *  اَہْلِ جنّت کے ہاں آپ کا نامِ پاک