بےشُمار برکتیں نصیب ہوں گی۔ دعوتِ اسلامی کے 12 دینی کاموں میں سے ایک کام ہے :  ہفتہ وار اِجْتِماع۔  * ہر جمعرات بعد نمازِ مغرب فُلاں مقام  ( مثلاً فیضانِ مدینہ )  میں دعوتِ اسلامی کا ہفتہ وار اجتماع ہوتا ہے ، اس میں تِلاوت ، نعت ، سُنتوں بھرا بیان ، ذِکْر اور رِقَّت انگیز دُعا کروائی جاتی ہے * آپ سے التجاء ہے  * آپ بھی ہفتہ وار اجتماع میں پابندی کے ساتھ شرکت کیا کیجئے !     * دِینی اجتماع میں بیٹھنے اور ذِکْر کرنے والوں کی اپنی تو کیا شان ہو گی !  حدیثِ پاک کے مطابق جو ان کے پاس بیٹھ جائے ، وہ بھی بدبخت نہیں رہتا  ^{( [1] )}  * الحمد للہ !  ہفتہ وار اجتماع میں ذِکْر ہوتا ہے  * عِلْمِ دِین سیکھنے کو ملتا ہے  * نیک صحبت میں بیٹھنا اور  * مسجد میں وقت گزارنا نصیب ہوتا ہے  * ایک  اَہَم برکت یہ کہ دِینی اجتماع کے لئے جانا بھی راہِ خُدامیں نکلنا ہے ، ہفتہ وار اجتماع میں تشریف لائیں گے تو اِنْ شَآءَ اللہ الْکَرِیْم !  گھر سے نکلنے سے لے کر واپس لوٹنے تک سارا وقت راہِ خُدا میں شُمار ہو گا * ہر جمعرات پابندی سے ہفتہ وار اجتماع میں اَوَّل تا آخر شرکت کی پکی نیّت فرمائیے کہ اِنْ شَآءَ اللہ الْکَرِیْم !  ہر جمعرات پابندی کے ساتھ خود بھی ہفتہ وار اجتماع میں شرکت کروں گا اور نیکی کی دعوت دے کر دوسروں  کو بھی ساتھ لایا کروں گا۔ 

ٹیبل ٹینس کا شوقین کیسے سُدھرا... ؟

کراچی کے رہنے والے ایک اسلامی بھائی کے متعلق بیان کیا گیا ہے کہ وہ مذہبی ذِہن   ( Religious Mindset )  نہ ہونے کی وجہ سے فضولیات میں اپنے دِن رات گزار رہے تھے ، گُنَاہوں کا بھی سلسلہ تھا ، اور انہیں ٹیبل ٹینس کا بےحد شوق تھا ، شام ہوتے ہی ٹیبل ٹینس کھیلنے میں مَصْرُوف ہو جاتے اور بعض اَوْقات یہ سلسلہ رات گئے تک جارِی رہتا ،