پاک مُحَمَّد ہے۔ آپ فرماتے ہیں :  ایک مرتبہ میں نے خواب دیکھا کہ غوثِ اعظم شیخ عبد القادِر جیلانی    رحمۃُ اللہ عَلَیْہ   کی خِدْمت میں حاضِر ہوا۔ حاضِرِین میں سے کسی نے غوثِ پاک    رحمۃُ اللہ عَلَیْہ   سے عرض کیا :  محمد عبد الحق آئے ہیں اور سلام عرض کر رہے ہیں۔ یہ سُنتے ہی غوثِ پاک    رحمۃُ اللہ عَلَیْہ   کھڑے ہو گئے اور مجھے گلے لگایا ، پِھر فرمایا :  تم پر جہنّم کی آگ حرام ہے۔ شیخِ محقق    رحمۃُ اللہ عَلَیْہ   فرماتے ہیں :  غوثِ پاک    رحمۃُ اللہ عَلَیْہ   کی یہ عِنایت اسی سبب سے تھی کہ میرا نام مُحَمَّد ہے۔ ^{( [1] )}  

مُحَمَّد نام لینے کو ہمیشہ                            ادب کا چاہئے پہلے قرینہ

ان کے نام کا ذِکْر مبارک                         ہے فردوسِ بریں کا صِرْف زینہ

رسولِ کبریا کا نامِ نامی                             خُدا کی رحمتوں کا ہے خزینہ

مختلف اسلامی ناموں کے بارےمیں معلومات حاصل کرنے اور بچوں کے اسلامی نام جاننے کے لئے مکتبۃالمدینہ کی کتاب نام رکھنے کے احکام کتاب کا  مطالعہ فرمائیں۔ اللہ پاک ہمیں نامِ مُحَمَّد سے برکتیں لینے ، اس کا اَدب کرنے اور زِندگی بھر اس پاکیزہ نام کو وِرْد بنائے رکھنے کی توفیق نصیب فرمائے۔ آمِیْن بِجَاہِ  خَاتَمِ النَّبِیّٖن صلَّی اللہ ُ عَلَیْہِ وَ آلِہٖ وَسَلَّم۔

12 دینی کاموں میں سے ایک دینی کام :  ہفتہ وار اِجْتِماع

پیارے اسلامی بھائیو !   دِل میں عشق مدینہ بڑھانے ، یادِ مدینہ ، ذِکْرِ مدینہ کرنے ، گُنَاہوں اور فضولیات سے بچنے ، اچھی ، بامقصد ، سنتوں بھری اور نیکیوں والی زندگی گزارنے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے اور 12 دینی کاموں میں بھی خوب حِصَّہ لیجئے ، اِنْ شَآءَ اللہ الْکَرِیْم !  دُنیا اور آخرت میں اس کی