Book Name:Quran Ki Taseer
هڪ ڀيري هڪ صحابي رَضِىَ اللهُ عَنْه وڇون جي ڏنگڻ تي سورةِ فاتحه پڙهي ڪري دَم ڪيو، الله پاڪ ان کي شفا عطا فرمائي.[1] هڪ صحابي رَضِىَ اللهُ عَنْه جي قبيلي ۾ هڪ چريو شخص هو، جنهن کي ماڻهو زنجيرن سان ٻڌي ڪري رکندا هئا، صحابيءِ رسول رَضِىَ اللهُ عَنْه 3 ڏينهن صبح ۽ شام 3، 3 ڀيرا سورةِ فاتحه پڙهي ڪري دَم ڪيو، الله پاڪ ان کي چريائپ کان شفا عطا فرمائي ڇڏي.[2]
قيصرِ روم (روم جو بادشاھ) مسلمانن جي ٻئين خليفي حضرت عمر فاروقِ اعظم رَضِىَ اللهُ عَنْه کي خط لکيو ته مونکي هميشه مٿي جي سور جي شڪايت رهي ٿي جيڪڏهن توهان وٽ هن جي دوا هجي ته موڪليو! حضرت عمر فاروقِ اعظم رَضِىَ اللهُ عَنْه ان کي هڪ ٽوپي موڪلي، قيصرِ روم ان کي پائيندو هو ته ان جي مٿي جو سور هليو ويندو هو ۽ جڏهن مٿي تان لاهيندو هو ته مٿي جو سور ٻيهر موٽي ايندو هو. ان کي وڏو تعجب ٿيو. آخر ڪار ان ٽوپيءَ کي کوليو ته ان ۾ هڪ ڪاغذ نڪتو جنهن تي بِسْمِ اللہِ الرَّحْمٰنِ الرَّحِیْم لکيل هئي.[3]
امام شافِعي رَحْمَةُ اللهِ عَلَيْه کي هڪ شخص پنهنجي اکين جي بيماري جي شڪايت ڪئي ته پاڻ ان کي بِسْمِ اللہِ الرَّحْمٰنِ الرَّحِیْم سان گڏ سورتِ ق جي آيت نمبر: 22
فَکَشَفْنَا عَنْکَ غِطَآءَکَ فَبَصَرُکَ الْیَوْمَ حَدِیْدٌ (۲۲)