ترجمہ ٔکنزُالعِرفان: اور وہ اپنے گھر والوں کو نماز اور زکوٰۃ کا حکم دیتا تھا۔

یہ بھی آپ عَلَیْہ ِالسَّلام کا پیارا پیارا وَصْف ہے، آپ عَلَیْہ ِالسَّلام اپنی قوم کو تو نیکی کی دعوت دیتے ہی تھے، اس کے ساتھ ساتھ اپنے گھر والوں کو بھی نماز اور زکوٰۃ کا حکم دیا کرتے تھے۔

وَ كَانَ عِنْدَ رَبِّهٖ مَرْضِیًّا(۵۵) (پارہ:16، مریم:55)

ترجمہ ٔکنزُالعِرفان: اور وہ اپنے رَبّ کے ہاں بڑا پسندیدہ بندہ تھا۔

یہ بھی آپ کی بلند شان ہے کہ آپ رَبِّ رحمٰن کے ہاں بلند مقام رکھتے ہیں، آپ اللہ پاک کے بہت پسندیدہ بندے ہیں۔

رَبِّ کریم ہمارے حال پر بھی رحم فرمائے، ہم تو کسی لائق نہیں ہیں، رَبّ رحمٰن و رحیم حضرت اسماعیل عَلَیْہ ِالسَّلام کا صدقہ، حضرت ابراہیم عَلَیْہ ِالسَّلام کا صدقہ، اپنے پیارے محبوبِ کریم صَلَّی اللہُ علیہ وَآلہٖ و َسَلَّم کا صدقہ ہمیں اپنی رضا عطا فرما دے۔ آمِیْن بِجَاہِ خَاتَمِ النَّبِیّٖن صَلَّی اللہُ علیہ وَآلہٖ و َسَلَّم ۔

بنا دے مجھے نیک نیکوں کا صدقہ                                                   گُناہوں سے ہر دَمْ بچا یاالہٰی!

مِرا ہر عمل بس ترے واسطے ہو                                                          کر      اِخلاص      ایسا      عَطا      یاالہٰی!^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

آیتِ کریمہ سے ملنے والے سبق

پیارے اسلامی بھائیو! اِن آیاتِ کریمہ میں حضرت اِسْماعیل عَلَیْہ ِالسَّلام کے 2پیارے پیارے وَصْف بیان ہوئے؛