آپ کا جو بھی اُمّتی آپ پر ایک بار درود شریف پڑھے گا، اللہ پاک اس پر 10 رحمتیں بھی نازِل فرمائے گا اور 10 درجات بھی بلند فرمائے گا۔^([1])

اسے لَب پہ اپنے سجاؤ میاں!                                                                   وسیلہ ہے بخشش کا سارا درُود

نِکالے غموں کے تَلاطُم سے یہ                                                         کہ ہے راحتوں کا کنارہ درُوْد

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

قَالَ اللہُ تَبَارَکَ وَ تَعَالٰی فِی الْقُرْآنِ الْکَرِیْم(اللہ پاک قرآنِ کریم میں فرماتا ہے):

قُلْ لِّلَّذِیْنَ اٰمَنُوْا یَغْفِرُوْا لِلَّذِیْنَ لَا یَرْجُوْنَ اَیَّامَ اللّٰهِ لِیَجْزِیَ قَوْمًۢا بِمَا كَانُوْا یَكْسِبُوْنَ(۱۴) (پارہ:25، الجاثیہ:14)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ عَلَیْہِ وَ آلِہٖ وَسَلَّم

تَرْجَمَۂ کَنْزُالْعِرْفَان: تم ایمان والوں سے فرماؤ کہ ان لوگوں سے دَرْگُزر کریں جو اللہ کے دنوں کی اُمّید نہیں رکھتے تاکہ اللہ ایک قوم کو ان کی کمائی کا بدلہ دے۔

فاروقِ اعظم رَضِیَ اللہُ عنہ کا مختصر تعارُف

پیارے اسلامی بھائیو! حضرت عُمْر فاروقِ اعظم رَضِیَ اللہُ عنہ عظیم صحابئ رسول ہیں *دُنیا میں آپ کا نام مُبارَک عمر ہے*آسمانوں میں آپ کوفَارُوْق کے نام سے پہچانا جاتا ہے *آسمانی کتاب تورات شریف میں آپ کا نام مَنْطِقُ الْحَقْ (یعنی حق بات کہنے والے) ہے *اِنجیل شریف میں آپ کا نامِ نامی کافِی ہے *اور جنّت میں آپ کا نامِ اَقْدس سِراج(یعنی