جلدی کیا کرو! *بے شک حضرت عمر فاروق رَضِیَ اللہُ عنہ کا اِسلام قُبُول کرنا مَدَد تھا *بیشک حضرت عمر رَضِیَ اللہُ عنہ کا خلیفہ بننا فتوحات (یعنی کامیابیوں) کا ذریعہ تھا *اللہ پاک کی قسم! جب حضرت عمر رَضِیَ اللہُ عنہ شہید ہوئے، دُنیا کی ہر چیز یہاں تک کہ درختوں کو بھی اس کا دُکھ ہوا *اللہ پاک کی قسم! میں سمجھتا ہوں، حضرت عمر رَضِیَ اللہُ عنہ کی دونوں آنکھوں کے درمیان ایک فِرشتہ تھا جو آپ کو قُوّت دیتا اور ہدایت کرتا تھا *اللہ پاک کی قسم! اگر مجھے معلوم ہو جائے کہ کوئی کُتَّا حضرت فاروقِ اعظم رَضِیَ اللہُ عنہ سے محبّت  کرتا ہے تو ضرور میں اس کُتّے سے بھی محبّت  کروں گا۔^([1])

بہارِ باغِ ایماں حضرتِ فاروقِ اعظم ہیں                              چراغِ بزمِ عِرفاں حضرت فاروقِ اعظم ہیں

رسول اللہ نے فاروق کو اللہ سے مانگا                                              عطاءِ رَبِّ سُبحاں حضرت فاروقِ اعظم ہیں

نہ کیوں وہ ذات چمکے، جس نے دینِ پاک چمکایا            جہاں کے مہرِ تاباں حضرت فاروقِ اعظم ہیں^([2])

صَلُّوْا عَلَی الْحَبیب!                                               صَلَّی اللہُ عَلٰی مُحَمَّد

آیتِ کریمہ کی مختصر وضاحت

پیارے اسلامی بھائیو! قرآنِ کریم کی تقریبًا 20 آیات ایسی ہیں جو حضرت فارُوقِ اعظم رَضِیَ اللہُ عنہ کی شان میں نازِل ہوئیں،  انہی میں سے ایک آیتِ کریمہ ہم نے ابتدا میں سُننے کی سَعَادت حاصِل کی، پارہ: 25، سورۂ جاثیہ، آیت: 14 ہے۔ اللہ پاک فرماتا ہے:

قُل (پارہ:25، الجاثیہ:14)

مَعْرِفَۃ الْقُرْآن:تم کہو!