فرمايائون: اَنَّ التَوَکُّلَ حُسْنُ الظَّنِّ بِاللہ يعني الله پاڪ جي رحمت تي يقين رکڻ کي توڪل چئبو آهي.^[1]

معلوم ٿيو؛ جڏهن اسان ڪنهن ڪم جو ارادو ڪريون ته هاڻي الله پاڪ تي ڀروسو رکون، الله پاڪ جي رحمت تي پورو ڀروسو هجي ته مان محنت ڪندس ته ربِّ ڪريم پنهنجي رحمت سان مون کي ڪاميابي ضرور عطا فرمائيندو۔*هي ستارن جي چال منهنجو ڪجهه به نٿي بگاڙي سگهي ڇو ته حَسْبُنَااللہُ اسان لاءِ الله پاڪ ڪافي آهي * ڪاري ٻلي رستو ڪٽي، تڏهن به منهنجا ڪم نٿا رڪجي سگهن ڇوته حَسْبُنَااللہُ اسان لاءِ الله ڪافي آهي * نجومين (Astrologers) جون ڳالهيون منهنجي مستقبل (Future) جو فيصلو نٿيون ڪري سگهن، حَسْبُنَا اللہُ اسان لاءِ الله ڪافي آهي *چنڊ گرهڻ هجي يا سج گرهڻ هجي، صفر جو مهينو هجي يا اڱاري جو ڏينهن هجي، منهنجي ڪاميابي ۾ اهڙي ڪا به بدشگوني رڪاوٽ نٿي بڻجي سگهي ڇو؟ انڪري جو منهنجو عقيدو آهي: حَسْبُنَا اللہُ وَ نِعْمَ الْوَکِیْل اسان لاءِ الله ڪافي آهي ۽ اهو ڪيترو سٺو ڪارساز (بگڙيل ڪم ٺاهيندڙ) آهي۔

کیوں کر نہ میرے کام بنیں غیب سے حسؔن                                      بندہ بھی ہوں تو کیسے بڑے کارساز کا^([2])

جيڪو تَوَڪّل ڪري، الله ان کي ڪافي آهي.

پيارا اسلامي ڀائرو! حَسْبُنَا اللہُ جو مطلب اصل ۾ اهو آهي ته ڪنهن به ڪم ۾ ڪاميابي جي مخالف جيڪي طاقتون آهن، يعني اسان جي ڪاميابي جي رستي ۾