وَّ  اَنَّ  اللّٰهَ  لَا  یُضِیْعُ  اَجْرَ  الْمُؤْمِنِیْنَ(۱۷۱)ﮎ (پارہ:4، ال عمران:171)

ترجموڪنزالعرفان: الله ايمان وارن جو اجر ضايع ناهي فرمائيندو.

اسان وٽ ٿيندو ڇا آهي جو ماڻهو انهن شرطن کي پورو ناهن ڪندا، پوءِ جڏهن ڪاميابي ناهي ملندي ته شڪايتون ڪندا آهن، پنهنجي غلطي ڪڏهن ڪاري ٻلي تي وجهي رهيا هوندا آهن، ڪڏهن ڪنهن انڌي کي منحوس چئي دل کي تسلي ڏئي ڇڏيندا آهن۔

ڪاميابي جي شرطن جا مثال

هئڻ ته هي گهرجي جو ڪاميابي جي چئن ئي شرطن کي پورو ڪريون، پوءِ ڏسو، اِنْ شَآءَ اللہُ الْکَرِیْم! ڪهڙيون ڪهڙيون برڪتون نصيب ٿين ٿيون، مثال جي طور تي * گهر ۾ سڪون چاهيو ٿا، هي واضِح مقصد آهي، ان لاءِ باقاعده پلاننگ ڪئي وڃي، سوچ ويچار ڪئي وڃي ته گهر ۾ جهيڙا ڇو ٿين ٿا، پوءِ پوري محنت سان ان ٺاهيل، پلان (plan) تي عمل ڪيو وڃي، گهر ۾ اَمن ۽ سڪون آڻڻ جي طريقن تي پوري ڪوشش سان عمل ڪيو وڃي، گڏوگڏ الله پاڪ تي ڀروسو به ڪيو وڃي، دعائون به گهريون وڃن، اِنْ شَآءَ اللہُ الْکَرِیْم!  ڪاميابي ملندي * حلال روزي ڪمائڻي آهي، ان لاءِ بهترين پلاننگ ڪريو، ڀرپور محنت ڪريو، ڪم ۾ سستي نه ڪريو، شرم جھجھڪ کي رستي ۾ نه اچڻ ڏيو، گڏوگڏ الله پاڪ تي ڀروسو به ڪريو، وظيفا به ڪريو، دعائون به گهرو، اِنْ شَآءَ اللہُ الْکَرِیْم! الله پاڪ جي رحمت گڏ هوندي *اهڙي طرح امتحان ۾ ڪاميابي گهرجي *انٽرويو ۾ پاس ٿيڻو آهي* ڪو به وڏي کان وڏو ڪم ڪرڻو آهي، ان لاءِ باقاعده پلاننگ ڪريو، سچي لگن سان، شوق سان ڀرپور محنت ڪريو ۽ الله پاڪ جي رحمت تي پڪو ڀروسو رکو، اِنْ شَآءَ اللہُ الْکَرِیْم! ڪاميابي نصيب ٿي ويندي۔